POP 5

Lajmet më të lexuara të 5 minutave të fundit

Politikë

Iku Borchardt vjen italiani Vincenzo Del Monaco, kush është ambasadori i ri i OSBE në Shqipëri

Përpara se t’i bashkohej Prezencës në Shqipëri, ishte ambasador i Italisë në Armeni dhe më parë ambasador i Italisë në Malin e Zi

Iku Borchardt vjen italiani Vincenzo Del Monaco, kush është ambasadori i ri i OSBE në Shqipëri

Ambasadori i ri i OSBE në Shqipëri, Vincenzo Del Monaco

Merr detyrën ambasadori i ri i OSBE në Shqipëri, Vincenzo Del Monaco.  Prezenca e OSBE ka prezantuar ambasadorin e ri që zëvendëson Boschardt, teksa bën edhe një pasqyrim të karrierës së italianit. Del Monaco ka shërbyer për 23 vjet në shërbimin diplomatik italian. Përpara se t’i bashkohej Prezencës në Shqipëri, ishte ambasador i Italisë në Armeni dhe, më parë, ambasador i Italisë në Malin e Zi. Më 30 shtator të këtij viti ishte vetë Prezenca e OSBE në Shqipëri ajo që njoftoi zëvendësimin e Bernd Borchardt  në mbarim të mandatit 4 vjeçar me Vincenzo Del Monacon.

NJOFTIMI I PLOTË I OSBE

Le t'i urojmë mirëseardhjen Kryetarit të ri të Prezencës së OSBE-së në Shqipëri, ambasadorit Vincenzo Del Monaco.

Ai ka shërbyer, për 23 vjet, në shërbimin diplomatik italian. Përpara se t’i bashkohej Prezencës në Shqipëri, ambasadori Del Monaco ishte ambasador i Italisë në Armeni dhe, më parë, ambasador i Italisë në Malin e Zi. Gjithashtu, ai ka shërbyer në Pekin; në Përfaqësinë e Përhershme italiane në Bashkimin Evropian, në Bruksel; si edhe në kabinetin e këshilltarit diplomatik të ish-presidentit të Italisë, Giorgio Napolitano.

Ai u diplomua shkëlqyeshëm nga Universiteti “La Sapienza” i Romës; zotëron diplomën Master i Drejtësisë në Studimet e Larta Ligjore Evropiane nga Kolegji i Evropës në Bryzh; si edhe një diplomë nga École Nationale d'Administration.

Ambasadori Del Monaco mban titullin e Urdhrit të Meritës (Commendatore) të Republikës së Italisë, titullin Kalorës të Legjionit të Nderit francez dhe Urdhrin e Flamurit Malazez të rangut të dytë.

Ai flet italisht, anglisht dhe frëngjisht. Ai është i martuar dhe ka tre fëmijë.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03