16 persona u vunë në pranga për tregtim dhe magazinim të medikamenteve nga jashtë dhe tregtimin në vend pa pullë fiskale. Report Tv mësoi se pjesa më e madhe e medikamenteve janë në mungesë në tregun shqiptar.
Është një numër jo i vogël medikamentesh të ndryshme që vijojnë të hyjnë në mënyrë të jashtëligjshme në Shqipëri dhe kjo jo gjithmonë për të shmangur taksat, por sepse nuk ekzistojnë në listën e barnave të lejuara për t`u tregtuar në vendin tonë.
Ky fenomen u rrit sidomos pas ndryshimit të ligjit të barnave në vitin 2014 kur u bë jo e detyrueshme që medikamenti të ishte testuar më parë në një vend të BE për t’u futur në Shqipëri, dhe kjo largoi disa prej kompanive më të njohura evropiane që prodhonin ilaçe më të shtrenjta. Kjo solli si pasojë rritjen e ndjeshme të futjes në vend të ilaçeve kontrabandë, sidomos nga vendet fqinj si Greqia, Italia por edhe Turqia.
Me listën me medikamentet të kontrabanduara, tashmë të sekuestruara nga Prokuroria, Report Tv u interesua në farmacitë e kryeqytetit për të mësuar origjinën dhe prezencën apo jo të këtyre medikamenteve në treg.
‘Janë në mungesë në treg , pasi janë dhe barna patentë. Duke qenë se tregu farmaceutik përmban më shumë barna gjenerike shumë nga këto medikamente mungojnë.’- tha Adela Nushi, farmaciste.
FARMACITË SHQIPTARE NUK KANË KËTO MEDIKAMENTE:
AUGUMENTIN
KLARICID 250 MG
CECLOR
CEFTORAL
ZITHROMAX DEPON 900 MG
ZITHROMAX 1500 MG
ZOLOFT 50 MG
ZOLOFT 100 MG
DEPON
VERMOX
FLAGYL
“Asnjë profesionist i cili e ka të garantuar nëpërmjet rrugës së ligjshme fitimin nuk ka dëshirë nuk ka dëshirë të futet në të tilla klauzola, por puna është bërë e tillë që ti për shumë barna je i detyruar si farmacist , s’kam , s’kam . Kjo ëhtë forma e paligjshme, por unë ndonjëherë e kuptoj pse përfshihen farmacistët.”- tha Diana Toma presidente e Urdhrit të Farmacistëve.
Por rreziku i përdorimit të këtyre medikamenteve është evident për disa arsye.
“Shumica e këtyre ilaçeve janë në mungesë prej vitesh. Këtu i hapet rruga edhe lëvrimit të barnave të falsifikuara , pasi nuk ke dokument që tregon origjinën, nuk ke analizë që tregon cilësinë, nuk ke autor që i përgjigjet një anomalie që tregu sjell në treg.”- tha Toma.
E kur këto ilaçe janë në mungesë , pacienti i sëmurë gjendet para dy zgjedhjeve ose të marr një medikament tjetër zëvendësues gjenerike ose të porosisë këto ilaçe nga jashtë.
Edhe pse rruga e tregtimit të këtyre medikamenteteve është jo e ligjshme presidentja e Urdhrit të Farmacistëve Diana Toma thotë se i kupton farmacistët që i tregtojnë këto medikamente në kushtet ku tregu nuk ka zgjidhje tjetër alternative. Çështja lidhet dhe me besueshmërinë që qytetarët kanë ndaj ilaçeve me patentë evropiane.
“Ilaçeve shqiptare unë nuk i besoj absolutisht. Ilaçeve i ndërrohen datat e skadencës.”- tha një qytetar
“Të grekut janë më të forta.”- thotë një tjetër.
Problematika më e madhe qëndron tek kushtet e transportit, pasi këto preparate në formë shurupi apo tableti nuk lejohen të transportohen në temperaturë më të lartë se 25 gradë.
Mungesa e këtyre medikamenteve është e hershme në tregun shqiptar. Urdhri i Farmacistëve sugjeron që autoritet shqiptare duhet të marrin situatën nën kontroll.
Lajme të tjera
-
Mat/ I vodhën xhiron ditore farmacistes, policia identifikohen 2 autorët e mitur
24 Shtator, 11:00 -
Farmacitë drejt monopolit
6 Gusht, 21:31
-
Gabimet që bëni me ilaçet të cilat dëmtojnë rëndë shëndetin
31 Korrik, 16:49 -
Denoncimet nga Onkologjiku: S’ka ilaçe, po i blejmë shtrenjtë në farmaci! Në spital pa kondicioner, plas derri, jo robi!
20 Korrik, 15:06
-
Kreu i KLSH në Kuvend: Mjekët e familjes dhanë ilaçe me rimbursim në emër të të vdekurve!
16 Korrik, 17:45
-
Ilaçe kontrabandë nga Kosova, arrestohet 32-vjeçari në Morinë! Në hetim një tjetër, tentoi të fusë në kufi 13 mijë euro të padeklaruara
5 Korrik, 13:02 -
5310 pacientë me Parkinson në Shqipëri, ilaçi madopar ende mungesë! Vëzhgimi i Report Tv: S’gjendet në farmaci
26 Mars, 17:07
-
Shëndetësia 'për spital', eksperti në '5 Pyetjet': Zjarri ka 11 vite që bie në sistemin shëndetësor
25 Mars, 21:27 -
Vëzhgimi i Report Tv në farmaci: Ilaçi për të sëmurët me Parkinson mungon prej muajsh! Pacientët: Po kalojmë peripeci! Fondi i Sigurimit: Vjen së shpejti
15 Mars, 15:30
-
Barra e sëmundjeve rrit importet e farmaceutikës me 14% më 2023, por po konsumohen ilaçe më të lira
1 Mars, 08:07 -
Pacientët e Onkologjikut në mëshirë të fatit, Kryetarja e Urdhrit të Farmacistëve: Mungojnë barnat për trajtimin e tumoreve
27 Shkurt, 14:19 -
Ndërgjegjësohen qytetarët, s’marrin antibiotikë pa recetë! Rekomandimet e mjekëve dhe farmacistëve në raste virozash: Konsumoni lëngje, shmangni kopshtet
25 Janar, 15:58
