POP 5

Lajmet më të lexuara të 5 minutave të fundit

Opinion

Mero Baze: Ilir Meta si spiun dhe Edi Rama si vizatues spiunësh

Zakonisht në praktikat e akuzës amerikane, kur dikujt i vihen prangat pas akuzës i thuhet që ke të drejt të mos flasësh dhe të marrësh avokat. 

Mero Baze: Ilir Meta si spiun dhe Edi Rama si vizatues spiunësh

Ilir Meta dhe Edi Rama

Zakonisht në praktikat e akuzës amerikane, kur dikujt i vihen prangat pas akuzës i thuhet që ke të drejt të mos flasësh dhe të marrësh avokat. Në rastin konkret ndaj Ilir Metës është ngritur një dyshim publik që është akuzë shumë e rënd për të si politikan. Ai ka të drejt të hesht, ose të bëj avokatin e tij duke tërhequr dosjen dhe duke e bërë publike. Sot ai nuk ka bërë asnjë prej këtyre të dyjave, por ka bërë një veprim që tregon se në koshiencën e tij, ai e pranon të qenit bashkëpunëtorë sigurimi dhe shfajësohet se ka të tjerë më të këqinj se ai që i kanë shërbyer.

Dhe më i keqi sipas tij është Edi Rama, se ka bërë një skicë ilustruese për spiunët tek revista “Në shërbim të popullit” kur ishte student. Pra Ilir Meta ka filluar të sillet si një ish bashkëpunëtorë sigurimi që kërkon të shfajësohet, duke u krahasuar me të tjerë. Me postimin e sotëm për Edi Ramën, ai do të na mbush mendjen të gjithëve se ai nuk ka bërë ndonjë gjë më të keqe se sa Edi Rama duke i shërbyer Sigurimit të shtetit.  Në fakt as ne nuk duam ta krahasojmë këtë. Pasi nuk ka ndonjë debat për Edi Ramën në këtë drejtim.

Ai është gati ta hap dosjen e tij në çdo kohë, nëse ka dyshime për të si spiun. Kurse si “karikaturist spiuni” ai nuk e mohon se e ka zanat. Madje nuk jemi kundër as të gërmohet në krijimtarinë e tij se mund ti gjejmë dhe skica apo vizatime të tjera të kohës diktaturës që i shërbenin propagandës. Kjo është çështje e profilit publik të Edi Ramës, jo e profilit sekret të tij. Atij dhe jetën sekrete ja kemi nxjerrë, kur ka dal foto nudo. S’kemi më kuriozitete për atë. 
Por debati që ne kemi është kush ka qenë spiunë. Ilir Meta e ka të lehtë të na e heq nga duart këtë debat dhe të autorizoj Autoritetin e dosjeve të kërkoj për dosjen e tij apo çdo bashkëpunim të tij me Sigurimin e Shtetit, si bashkëpunëtorë, si denoncues apo si dëshmitarë. Të gjitha janë njësoj të penalizueshme. Por ai në vend të kësaj poston skica të Edi Ramës me tematikë nga Sigurimi i Shtetit, për të na treguar se nuk është vetëm Ilir Meta që i ka shërbyer Sigurimit. “Ja dhe ky paska bërë skica dhe i ka botuar”. 

Problemi është se këto janë publike dhe i gjejmë në revista. Ato denoncimet e Ilir Metës janë  kyçur me amendament të LSI. Ato na duhen. Pastaj Ilir Meta është i lirë ë thotë : “Unë skam bërë ndonjë gjë të keqe se spiunë kam qenë. Po Edi Rama që ka vizatuar spiunë është e keqja e këtij vendi.” Në fakt nuk është se e ka vizatuar keq atë si spiunë. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosku: 31/07/2022 11:32

    Qe te behet Shqiperia, duhet te qerohen keta politikane hajdute dhe tu thyhet pena gazetareve qe kane vila duke u lepire pas qeverive. Jepi zoti gazetar, se me shkrimet e tua e zbukurove vilen e fshatit.

    Përgjigju
    • Taxi driver: 31/07/2022 15:41

      Do ishte e mira qe ta hapje edhe ti ate dosjen tende se na dolet ju sahan lepiret e kesaj politike mostruoze te na tregoni se kush jane keta politikane jane apo nuk jane ish sigurimsa, jeni ju te paret qe duhet te qeroheni sepse jeni ju me keto shkrime e me keto servilizma qe beni i trullosni njerezit sepse asnjeher nuk e keni bere punen qe vertet duhet te beje nje gazetar por vetem keni qene servila edhe hajdute asgje me shume ,plehra

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

27 Nëntor, 19:39