Iliri Shaqiri ‘N‘kohë’ rrëfen objektivin e radhës për t'u bërë pjesë e ‘Isola dei Famosi’! Balerini thyen heshtjen, çfarë ndodhi me marrëdhënien me Donaldin?

Balerini Ilir Shaqiri, fituesi i ‘Big Brother Vip Albania’ ka treguar gjithçka përballë gazetarit Ermal Qori në emisionin “N’kohë” në Report Tv. Teksa u ftua për të zhvilluar një garë më makina, Shaqiri ka rrëfyer eksperiencën disa mujore në shtëpinë e ‘Big Brother’.

I pyetur për kontestimin e bërë ndaj fitores së tij në rrjetet sociale, Iliri shprehet i prerë.

“Në çdo aspekt të jetës, në çdo garë apo sfidë, njerëzit kanë preferencat e tyre dhe shumë mirë që kjo ndodh sepse ne ishim aty për t’i treguar publikut kush ne jemi dhe për të krijuar një lloj spektakli, unë vlerësoj që secili prej nesh ka demonstruar publikut atë që është, sepse çdo njeri gjen vetveten te secili prej nesh”- përfundoi fituesi i BB.

Shaqiri është shprehur i sigurt për objektivin e radhës, për marrë pjesë në programin Italian “Isola dei famosi”.

“Është si objektiv dhe ka qenë që përpara pandemisë. Unë ua premtoj të gjithëve që unë atë program do ta bëj, do ta bëj se aty nuk ka qenë asnjëherë asnjë Shqiptar”- tha Iliri.

Pyetjes së gazetarit se me cilin nga banorët nuk ruan kontakte, Iliri specifikoi Donald Veshaj.

“Po me Donaldin nuk kemi patur asnjë kontakt, në një farë mënyre u vërtetua ajo që unë thash se jashtë shtëpisë nuk do e kemi atë lloj miqësie përderisa aty brenda nuk u krijua ajo harmonia që duhej, përveç dy javëve të fundit”, tha ai.

Por cila ka qenë rroga më e lartë që ka marrë Ilir Shaqiri?

“Rroga më e lartë ka qenë në periudhat kur unë punoja në Mediaset, merrja pjesë në tre programe në javë. Dhe nëse flasim me shifra llogarite sikur të fitoje nga një Big Brother për çdo muaj”.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A i përballoni dot pushimet e verës me rritjen e çmimeve?



×

Lajmi i fundit

John

Sot i vendosën eksploziv në garazhin e hotelit në Sarandë, historia përsëritet për drejtorin e FSDKSH- së! Një vit më parë tritol në tarracë