Armand Ali, Imami i xhamisë te Unaza e re, që akoma nuk njihet nga Komuniteti Mysliman, ka denoncuar me emër dy policë që, sipas tij, ndihmuan xhihadistin Shkëlzen Dumani që të kalonte në aeroportin e Rinasit, së bashku me dy fëmijët e tij, Endri dhe Eva Dumani, kjo e fundit është akoma në kampin Al-Hol. Me një postim në Facebook, ai publikon një pjesë të dosjes së SPAK të hetimeve në lidhje me këtë çështje, ku nga përgjimet dalin emrat e Blendi Kodrës dhe Skënder Sallakut, që sipas Ali, ndihmuan Dumanin në vitin 2014, duke i bërë thirrje SPAK që të nisë hetimet ndaj këtyre dy personave.
"Meqenëse SPAK që heton antikorrupsionin do fillojë urgjentisht hetimin ndaj 5 grave të sapo kthyera nga Siria, në këto hetime duhet të përfshinë patjetër edhe dy policët e aeroportit të Rinasit në vitin 2014 të cilët mundësuan kalimin pa probleme të Shkëlzen Dumanit (Allahu e mëshiroftë) dhe dy fëmijëve të tij. Emrat e tyre i kanë në dosjen e famshme të "xhihadistëve" por as prokurorja "e hekurt" Imeraj dhe as turpi (trupi) gjykues nuk i thirren e as nuk i përmendën gjatë gjithë seancave gjyqësore.
Madje SPAK duhet të hetojë edhe se kush ishte ai noter i cili përgatiti dokumentin e nevojshëm me firmën e bashkëshortes së Shkëlzenit sipas së cilës jepej leja që ata dy fëmijë të udhëtonin jashtë Shqipërisë vetëm me babain e tyre. SPAK duhet të hetojë faktin se përse u dënua Orion Reçi vetëm pse Shkëlzeni fjeti një nate ne shtëpinë e tij bashkë me dy fëmijët, por nuk u dënua as ai noteri i famshëm dhe as dy policet e Saimir Tahirit qe ndihmuan në këtë histori", shkruan imami.
Shkëlzen Dumani, me origjinë nga Peshkopia, u vra gjatë luftimeve në Siri, ndërsa djali i tij, Endri u thye në tetor të vitit të kaluar nga Siria, por motra e tij, Eva vijon të jetë në kampin Al-Hol.
Ndërkohë, më 1 gusht u riatdhesuan nga kampi Al-Hol në Siri 14 të miturit dhe 3 gra, të cilët do të merren në pyetje ne lidhje me qëndrimin e tyre ne kampin në Siri.
Fotot e publikuara nga imami Armand Ali
Lajme të tjera
-
Refugjatët sirianë në Evropë dhe kthimi i tyre në Siri
24 Dhjetor, 16:42 -
Britanisë i kërkohet të mos lejojë gruan e Bashar al-Assad të shkojë në Londër
24 Dhjetor, 15:23 -
Protesta në kryeqytetin e Sirisë, shkak djegia e pemës së Krishtlindjes (VIDEO)
24 Dhjetor, 12:54 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
SHBA: Kemi vrarë liderin e Shtetit Islamik në Siri
20 Dhjetor, 18:40 -
VIDEOLAJM/ Grimca normaliteti në Siri, hapet tregu i Krishtlindjes në Damask
20 Dhjetor, 15:18 -
Diplomatët amerikanë vizitojnë Sirinë për herë të parë pas rënies së Assadit
20 Dhjetor, 12:15 -
Dhjetë thasë me para konvertohen në 1 dollar, inflacion rekord në Siri
19 Dhjetor, 15:10
