POP 5

Lajmet më të lexuara të 5 minutave të fundit

Kultura

'Impresione urbane’, në Galerinë e Arteve në Vlorë, prezantohen punimet e 4 arkitektëve të njohur

‘Impresione urbane’, ka zbritur mbrëmjen e së premtes në Galerinë e Arteve, Vlorë, ndërsa janë prezantuar punime në pikturë të 4 arkitektëve të njohur, Mitrojorgji, Voshtina, Stefa dhe Plasa.

'Impresione urbane’, në Galerinë e Arteve në Vlorë, prezantohen punimet e 4 arkitektëve të njohur

‘Impresione urbane’, ka zbritur mbrëmjen e së premtes (25 tetor) në Galerinë e Arteve, Vlorë, ndërsa janë prezantuar punime në pikturë të 4 arkitektëve të njohur, Mitrojorgji, Voshtina, Stefa dhe Plasa.

Në ceremoninë çelëse ishin të pranishëm njerëz të artit dhe kulturës në Vlorë, arkitektë dhe piktorë vlonjatë, si edhe kryetari i bashkisë Ermal Dredha dhe konsulli i Italisë në Vlorë.

Kuratori i Galerisë së Artit Edi Kojani në fjalën e tij ka bërë një ekspoze të individualitetit artistik të 4 protagonistëve të ekspozitës.

Kryetari i Bashkisë Ermal Dredha e ka quajtur prezantimin e punimeve në pikturë të 4 arkitektëve, një  kombinim unik të dizajnit modern dhe ndikimit urban, që sjell një reflektim të thellë mbi zhvillimin dhe transformimin e hapësirave tona publike.

“Punimet bëjnë një diferencë të madhe. Ju përgëzojë shumë dhe uroj që kjo ekspozitë sot të ketë suksesin që meriton. Duhet që njerëzit kë kuptojë që aty ku ka vlera ka histori, vlera dhe qytetari”, tha ai.

Ekspozita të jep një impresion të bukur e të veçantë, është shprehur konsulli i Italisë në Vlorë.

Më pas të pranishmit kanë vizituar ekspozitën, 120 punimet në 4 teknika, akuarel, vaj, pastel dhe grafika me ngjyra, të gjitha subjekte të peizazhit urban nga ndërtesat, rrugicat e deri tek qytetet.

Vetë arkitektët të pranishëm janë shprehur për emocionet në Vlorë, për të rinjtë që duhet të përfshihen, ndërsa, Luljeta Bozo, profesore e arkitekturës, shkon dhe më tej dhe kërkon më shumë investime për artin.

Ekspozita ‘Impresione urbane’ e Maksim Mitrojorgjit, Valentin Voshtinës, Pirro Stefës dhe Olsi Plasës, do të qëndrojë e hapur për disa ditë në Galerinë e arteve figurative në qytetin bregdetar.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu