Kandidatja e PD për deputete në qarkun e Vlorës, Ina Zhupa, ka denoncuar në KQZ degën e PS në Sarandë se i ka vendosur zyrat elektorale në ngjitur me qendrat e votimit që, sipas saj, është bërë me qëllimin për të ndërhyrë te votuesit.
Sipas Zhupës, PS synon të monitorojë zgjedhësit në ditën e votimeve dhe se vendosja e zyrave elektorale afër qendrave të votimit, është në shkelje të Kodit Zgjedhor.
"Kjo zyrë është ndërtuar në shkelje të Kodit Zgjedhor. Pasi ngjitur me të në shkollën “Adem Sheme” ndodhen 2 qendra votimi, të cilat do të funksionojnë ditën e zgjedhjeve, po ashtu përballë tyre tek shtëpia e fëmijës ndodhet një tjetër qendër votimi. Kjo është e ndaluar me Kodin Zgjedhor por Partia Socialiste e ka zgjedhur mesa duket qëllimisht për të intimiduar zgjedhësit ditën e votimeve. Për t`i monitoruar zgjedhësit ditën e votimeve shkel në mënyrë të hapur Kodin Zgjedhor", tha ajo.
![]()
Zhupa i bëri thirrje KQZ-së që të reagojë dhe të ndërhyje me policinë bashkiake për të kërkuar mbylljen e këtyre zyrave elektorale
"I bëj thirrje KQZ që të reagoje dhe të ndërhyje me policinë bashkiake për të kërkuar mbylljen e kësaj zyrë elektorale që është në shkelje të Kodit Zgjedhor.
Zgjedhësit e Sarandës kanë të drejtë të zgjedhin të pa intimiduar dhe të pa vezhguar nga forcat politike ditën e zgjedhjeve me 25 prill.
Cfarëdo lloj manovre që tenton të bej Partia Socialiste nuk do ta shmangin dot nga humbja e datës 25 prill nga qyteti i Sarandës. Nga qarku Vlorë, ata do të marrin goditjen historike dhe do të kujtohen thjesht si një qeveri që nuk beri asgjë në 8 vite", shtoi ajo .
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)