Inagurimi i xhamisë së Namazgjasë, Rama: Qeveria shqiptare nuk vendos dot kur hapen dyert! Komuniteti Mysliman, i bazuar në vetëqeverisje

Kryeministri Edi Rama është shprehur se inagurimin e Xhamisë së Madhe (Xhamia e Namazagjasë) nuk e ka në dorë qeveria e Shqipërisë dhe nuk merr dot asnjë vendim se kur do të happen dyert. Sa i përket ndërhyrjes së presidentit turk Erdogan për largimin e kreut të Komunitetit Mysliman, u shpreh se ky i fundit është i bazuar në vetëorganizim.

“Komuniteti Mysliman Shqiptar është i bazuar në vetë organizim dhe në vetëqeverisje. Qeverisja e Shqipërisë nuk vendos për komunitete. Inagurimi i xhamisë së madhe është një çështje që nuk vendos qeveria e Shqipërisë dhe nuk e ka peng askush sepse Xhamia e Madhe po ndërtohet me kontributet e Komitetit Mysliman  turk dhe janë ata që po e ndërtojnë në një marrëveshje me komunitetin Mysliman shqiptarë dhe i vendosin ata se kur i mbarojnë punimet dhe kur duhen hapur dyert, nuk e vendos qeveria e Shqipërisë”- theksoi kreu i qeverisë në një intervistë televizive.

LEXO EDHE:
Donald Trump në gjyqin e parë penal ndaj një ish Presidenti

Kujtojmë se presidenti turk Erdogan, në janar të vitit 2022 kur erdhi në Shqipëri për  të dorëzuar çelësat e shtëpive banorëve të prekur nga tërmeti i 26 nëntorit, tha se punimet për xhaminë e Namazgjasë do të mbylleshin brenda muajit të Ramazanit (2 prill-1 maj) por kërkonte që qeveria të merrte masa kundër lëvizjes së Gylen.

Lajmi kryesor:

Amnistia fiskale, Rama nuk bie dakord me ambasadoren Kim: E refuzoj kategorikisht gjuhën e saj! Po krijohet mjegull e madhe, përfituesit janë vetëm kriminelët

A.M./SI.E./Shqiptarja.com

TAG:
• edi rama
• Xhamia e Namazgjasë
• erdogan