Hapet burgu i ri për gratë në Pogradec, kyçet ‘Ali Demi’! Pamjet nga brenda, me parukeri e palestër

Nga burgu Ali Demi ku kanë qëndruar për disa vite, gratë dhe vajzat e dënuara ose në pritje të drejtësisë tashmë kanë një strehë të re. Ato janë akomoduar në burgun e ri të ndërtuar me standarde në Pojskë, Pogradec.

Në ceremoninë e inaugurimit Ministri i Drejtësisë, Ulsi Manja tha se me ndërtimin e këtij burgu u përmbush një nga objektivat e tij që kur mori detyrën

"Që në fillim kur mora detyrën e Ministrit të Drejtësisë, i kam shtruar vetes një pyetje: cilat do të jenë objektivat e mia në raport me sistemin penitenciar? Mbyllja e burgut të Zaharisë, mbyllja e burgut të Ali Demit dhe burgu i hapur ishin disa nga punët me prioritet, të cilat sot janë realizuar me sukses. Një falënderim për bashkëpunimin e të gjithë partnerëve tanë për gjithë mbështetjen e pakursyer.

LEXO EDHE:
Video/ Maratona e pazakontë në Pogradec, bebushët arrijnë të kapin këmbadoras vijën e finishit

Manja garantoi mbështetjen e qeverisë shqiptare për vijimin e reformave në sistemin penitenciar. Gjatë vizitës, të ftuarit patën mundësinë të inspektojnë workshop-et e ndryshme brenda burgut, ku zhvillohen aktivitete edukative dhe profesionale për të dënuarit. Gjithashtu, gjatë ceremonisë u nënshkrua një marrëveshje ndërmjet Drejtorisë së Burgjeve dhe Ambasadës Angleze për përmirësimin e Burgut të Fushë Krujës.

S.B/E.B/Shqiptarja.com

TAG:
• ULSI MANJA
• Institucioni i Ekzekutimit të Vendimeve Penale
• pogradec
• Korce