Prokuroria e Posaçme, paraqiti sot pretencën për rastin e inceneratorit të Fierit. Për ish ministrin e Mjedisit, Lefter Koka u kërkua dënimi 10 vite burg por për shkak të pranimit të gjykimit të shkurtuar, përfundimisht prokuroria kërkon që ai të dënohet me 6 vite e 8 muaj burg, i njëjti dënim i kërkuar ndaj tij edhe në procesin për inceneratorin e Elbasanit.
Për ish deputetin socialist, Alqi Bllako, u kërkua 7 vite. Për shkak të pranimit të gjykim të shkurtuar prokuroria kërkon përfundimisht dënimin me 4 vite e 8 muaj. Ndërsa për Klodian Zoton, aksioner kryesor i koncesionarit të Fierit ende në kërkim u kërkua dënimi 12 vite burg. Për shkak të pranimit të gjykimit të shkurtuar, përfundimisht prokuroria kërkon që ai të dënohet me 6 vite e 8 muaj burg.
Koka dhe Bllako mungojnë në seancë, kërkohet konfiskimi i pasurive
Prokurori Dritan Prençi lexoi sot pretencën ndërsa Lefter Koka dhe Alqi Bllako nuk kanë qenë të pranishëm në seancë por u përfaqësuan nga avokatët e tyre mbrojtës. Ata u njoftuan për masën e dënimit që kërkon prokuroria në qelitë e burgut të Durrësit. Për pasuritë e vëna në sekuestro, SPAK kërkon konfiskimin e tyre dhe përjashtim për 5 vjet nga funksionet publike.
Dënimet që kërkon SPAK
SPAK kërkon ndryshimin e akuzës për Alqi Bllakon
Prokuroria ndër të tjera kërkoi ndryshimin e akuzës për Alqi Bllakon, i cili ka pasur funksionin e Sekretarit të Përgjithshëm të Ministrisë së Mjedisit dhe më pas atë të Drejtorit të Përgjithshëm të AKUM-it.
Prokuroria i riktheu akuzën fillestare për “shpërdorim detyre” si funksionar i lartë shtetëor dhe jo si funksionar publik, gjë e cila rëndon pozitën e tij. Sipas avokatit mbrojtës të Bllakos, me rikthimin tek akuza fillestare, SPAK po bie ndesh me seancën paraprake si një nocion i ri i reformës në drejtësi.Dhe për ish-zv.presidentin e FSHF, Arben Dervishi, i cili në inceneratorin e Fierit ka pasur rolin e mbikëqyrësit të punimeve u ndryshua akuza nga korrupsion në sektorin privat në korrupsion publik. Megjithatë togat e zeza nuk u shprehen duke i thënë prokurorit të reflektojë edhe njëherë për ndryshimin e akuzës.
Mbi të gjithë të përfshirët në dosjen e inceneratorit të Fierit, rëndojnë akuzat për korrupsion, shpërdorim detyre, pastrim parash. Per Robert Shabanin u pushua akuza. Dhe për Enver Sheshi, administrator i një prej kompanive që dyshohet se lëshonin fatura për punë të pakryera, u pushua akuza pasi është ndarë nga jeta disa muaj më parë.
Seanca pë konkluzionet e mbrojtjes do të mbahet më 19 qershor dhe më pas e ka fjalën gjykata.
etimet për inceneratorin e Fierit u mbyllën dhjetor 2022. Sipas akuzave të SPAK për inceneratorin e Fierit u paguan 4 milionë euro për punë që nuk u kryen asnjëherë, ndërsa 60 milionë lekë është dëmi i shkaktuar në buxhetin e shtetit në skemën e mashtrimit.
Gjykimi i shkurtuar
Më 29 maj 2023, Gykata e Posaçme kundër Korrupsionit dhe Krimit të Organizuar pranoi gjykimin e shkurtuar për shumicën dërrmuese të 20 të pandehurve në procesin për inceneratorin e Fierit. Gjykimi i shkurtuar, shmang thirrjen e dëshmitarëve në sallë apo paraqitjen e provave nga palët, duke i dhënë nga ana tjetër mundësi të akuzuarve, që në rast se dënohen, të përfitojnë uljen e një të tretës së kohës së dënimit.
Vetëm tre prej të akuzuave nuk kanë pranuar gjykim të shkurtuar dhe kanë kërkuar vijimin e plotë të procesit. Ata janë Etleva Kondi, anëtare e komisionit të dhënies së koncensionit, Arenc Myrtezani, administrator i shoqërisë “Integrated Technology Waste Treatment Fier” sh.p.k., kompania koncensionare, dhe Giuseppe Ciaffaglione, administratorit të shoqërisë koncesionare “Integrated Energy BV SPV”, inceneratori i Tiranës, nën akuzë për korrupsion sepse pagoi babain e ish deputetit socialist Alqi Bllako, i punësuar fiktivisht pranë kompanisë.
Pak kohë më parë Prokuroria e Posaçme dha pretencën edhe për të pandehurit e inceneratorit të Elbasanit, duke kërkuar dënime nga 7 deri 10 vite burg të akuzuarit, të cilët përfitojnë uljen me 1 të tretën, për shkak të gjykimit të shkurtuar.
Avokati i Alqi Bllakos, Sokol Hazizaj ka është prononcuar për mediat. Ai u shpreh se qëndrimi i SPAK është joligjor dhe antikushtetues. Sipas tij, SPAK do duhet të heqë akuzën për shpërdorim të detyrës që është identifikuar nga gjykata e seancës paraprake. Sipas tij, në momentin që SPAK nuk e merr parasysh vendimin e Gjykatës së seancës paraprake, SPAK po vepron jashtë ligjit.
“Akuza e ngritur nga organi procedurali hetimi t kanë qenë të padrejta. Në këto kushte, këtë faskt e identifikoi dhe gjykata e seancës paraprake. Gjykata normalisht në mendimin tonë juridik do mbajë një qëndirm të thjesht, sa kohë që Prokuroria mban të njëjtën akuzë do duhet të pushojë akuzën për shpërdorimin e detyrës. SPAK po mban një qndrim joligjor dhe jo kushtetues. Unë e kam deklaruar që SPAK vepron jo referuar vendimeve të gjykatës. Nëse Gjykata nuk mban një qëndrim të drejtë, gjykata e seancës paraprake del jashtë lojë.”- tha ai,
Lajme të tjera
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
-
‘Mbështesim SPAK, pro zgjatjes së mandatit të prokurorëve’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Inceneratori i Elbasanit/ Kantina e pijeve të Lefter Kokës i kalon shtetit, konfiskohen pasuritë e tij dhe 4 të tjerëve! Në total vlera 340 mln lekë
20 Dhjetor, 13:52 -
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
5 vite SPAK, Sula: Stekën e ka ngritur vetëm tek opozita, jo mazhoranca! Nesturi: Ata që flasin kundër, janë më të prekurit! Sefa: Ecuria duhet të ishte më e shpejtë
19 Dhjetor, 21:58 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59
