Inceneratori i Tiranës, Kryemadhi: SPAK të mos heshtë më, të bllokojë pagesat nga Bashkia

Deputetja e Partisë së Lirisë, Monika Kryemadhi i ka bërë thirrje SPAK që të veprojë për Inceneratorin e Tiranës. Kryemadhi i bën thirrje SPAK që të bëjë të mundur ndërprerjen e pagesave të Bashkisë së Tiranës për Inceneratorin.

“Kemi qenë bashkëpunëtor me sistemin e drejtësisë, qoftë për inceneratorin e Elbasanit, presim edhe për incenaratorin e Tiranës. Nëse sistemi i drejtësisë, kërkon të mbrojë një koncesion të tillë i kapur me presh në dorë, nuk mbetet që tjetër veçse spak ta bëj bashkëfajtor në këtë vepër kriminale. Sot ajo cka është thënë haptas është e faktuar. Të gjithë orët e xhirimeve që kemi, i kemi në dispozicion të sistemit ët drejtësisë, jemi të gatshëm t’ia japim por me një k kusht që të mos nguten në marrëveshje me Ramën e Veliajn në shkëmbin të vettingut e pazareve të tjera.

Inceneratori të Tiranës është një nga dosjet më të nxehta dhe nëse SPAK nuk reagon s’më mbetet gjë tjetër veçse të protestoj para SPAK. Këtu nuk mund ti mbyllë më sytë as SPAK dhe asnjë ndërkombëtar që do të mbrojë Edi Ramën dhe Erion Veliajn. Shpresa ime është që, SPAK e di që nuk ka fuqi as të anulojë kontratën e koncesionit të Tiranës, të bllokojë pagesat nga bashkia e Tiranës dhe përgjegjësia për këtë pjesë të inceneratorit ta marrë bashkia Tiranës, se kompania koncesionare nuk ka zbatuar kontratën”, tha Kryemadhi.

LEXO EDHE:
Pabarazia, numri i familjeve pa shtëpi është rritur me 87% në Shqipëri

Lajmi kryesor:

Inceneratori i Tiranës/ Kryemadhi: Shqiptarët paguajnë 29 euro për ton për të groposur mbetjet! SPAK të reagojë, të ndërpresë pagesat nga Bashkia

SI.E./K.T./Shqiptarja.com

TAG:
• Tirane
• Partia e Lirise
• inceneratoret
• monika kryemadhi