Incident në Gjeorgji, ultrasit vendas sulmojnë tifozët e kombëtares shqiptare! I plagosuri në spital

Tifozët shqiptarë që ndodhen në Gjeorgji për të ndjekur nga afër ndeshjen e kombëtares, raportohet se janë sulmuar dje (e dielë) nga tifozeria vendase dhe njëri prej tyre ka përfunduar në spital për ndihmë të specializuar.

Sipas gazetarit Erion Todhe që ndodhet në Tbilisi, ultrasit vendas të Gjeorgjisë, kanë goditur një tifoz të Shqipërisë, teksa “Tifozat Kuq e Zi”, kanë kërkuar që policia t’i shoqërojë drejt stadiumit.

“Priten rreth 500 ose pak më shumë tifozë të Shqipërisë. Kanë ardhur tifozë nga vende të ndryshme të Europës. Ka pasur edhe një incident dje. Një tifoz i Shqipërisë, kam mësuar se është goditur nga ultrasit vendas. Grupimi TKZ, ka kërkuar mbështetjen e policisë vendase, për tu shoqëruar drejt stadiumit. Kjo është për shkak të ngjarjeve të ndodhura në Tiranë, ku mesa duket janë goditur edhe tifozë të Gjeorgjisë, pas fitores së tyre. Shpresojmë që të mos ketë ngjarje të tilla më vonë”, tha ai. Ndërkohë mësohet se një nga të lënduarit ka përfunduar në spital për ndihmën e parë.

Ndeshja e Ligës së Kombeve, Gjeorgji - Shqipëri luhet sot në orën 18:00.

Lajmi kryesor:

LIVE/ Supergol në Tbilisi, Asllani i shënon Gjeorgjisë! Shqipëria kryeson 0-1 në udhëtim

S.Dh/Shqiptarja.com

TAG:
• kombetarja shqiptare
• fshf
• Kombetarja shqiptare
• Liga e Kombeve
• Gjeorgjia
• Tbilisi