POP 5

Lajmet më të lexuara të 5 minutave të fundit

Bota

Incident në Spanjë, bie teleferiku në Astún, 30 të plagosur, 17 në gjendje të rëndë

Një aksident me të paktën 30 të plagosur, 17 prej të cilëve në gjendje të rëndë, ndodhi në një qendër skiimi në Spanjë kur, sipas informacioneve të para, një teleferik u shemb.

SPANJË - Pesëmbëdhjetë metra ishte lartësia nga e cila ranë rreth 30 persona pas shembjes së një teleferiku në stacionin e skive Astún, në veri të Spanjës. Aksidenti ka shkaktuar plagosjen e 30 personave, prej të cilëve 17 janë në gjendje të rëndë. Një grua, që ndodhet në gjendjen më kritike, është transportuar në spitalin "Miguel Servet" në Zaragoza.

Sipas Miguel Ángel Clavero, drejtor i përgjithshëm i emergjencave në Qeverinë e Aragonës, aksidenti ndodhi për shkak të një defekti në një nga rrotullat e teleferikut, që shkaktoi këputjen e kabllos që mbante një nga vendet e uljes. Stacioni i skive është mbyllur dhe spitale të ndryshme në zonë janë në gatishmëri të plotë në pritje të të plagosurve.

Aksidenti ndodhi rreth orës 12:00, dhe sipas raporteve të mediave spanjolle, janë plagosur të paktën 30 persona. Në vendngjarje ndodhen Garda Civile, Policia, Kryqi i Kuq, Mbrojtja Civile, zjarrfikësit dhe ekipe psikologësh.

Clavero raportoi për RTVE se tre persona janë transportuar deri tani në spital: njëri prej tyre në gjendje kritike me një frakturë dhe dy të tjerë në gjendje të rëndë, ku njëri mund të ketë nevojë për ndërhyrje kirurgjikale urgjente. Ai shpjegoi se defekti ndodhi te një nga rrotullat e kthimit të teleferikut, duke shkaktuar humbjen e tensionit të kabllos dhe rrëzimin e disa vendesh uljeje, ndërsa disa të tjera mbetën të varura mes shtyllave të teleferikut.

Operacionet e shpëtimit të të plagosurve vazhdojnë, dhe gjithashtu po ndihmohen njerëzit që kanë mbetur të bllokuar në teleferik për t’i zbritur në mënyrë të sigurt.

Kryeministri i Spanjës, Pedro Sánchez, shprehu tronditjen e tij për aksidentin në një postim në platformën X, duke thënë: "Jam shumë i tronditur nga lajmi për aksidentin në Astún. Kam folur me presidentin e Aragonës, Jorge Azcón, për t’i ofruar mbështetjen e plotë të qeverisë. Të gjitha mendimet tona janë me të plagosurit dhe familjet e tyre."

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Superkupa 'deh' Barcelonën, Getafe e ndal 1-1

Superkupa 'deh' Barcelonën, Getafe e ndal 1-1

18 Janar, 23:01