POP 5

Lajmet më të lexuara të 5 minutave të fundit

Sport

Incidenti në ndeshjen e futbollit me Apoloninë, reagon ekipi i Gramshit: Goditën fizikisht arbitrin, kishim paralajmëruar FSHF-në, të merren masa

Incidenti në ndeshjen e futbollit me Apoloninë, reagon ekipi i Gramshit: Goditën fizikisht arbitrin, kishim paralajmëruar FSHF-në, të merren masa

1743019947_kookokdhima.jpg

Klubi i Gramshit ka reaguar për ngjarjen e turpshme të ndeshjes me Apoloninë, ku presidenti i Klubit Sportiv Apolonia për Femra, Koço Kokëdhima ka hyrë në fushë gjatë lojës duke kërcënuar dhe shtyrë fizikisht gjyqtarin e takimit Dorjan Melataj.

Klubi në një reagim në rrjetet sociale, akuzon drejtuesit fierak për presion, dhunë me qëllimin për të ndikuar në ndeshje.

 Sipas klubit të Gramshit për vajza një prej drejtuesve fierak ka tentuar edhe të heq rripin për të goditur arbitrin Dorian Maletaj.

‘Klubi i Futbollit të Femrave Gramshi shpreh indinjatën e thellë lidhur me aktet e dhunës të shfaqura këtë të mërkurë në aneksin e stadiumit "Loni Papuçiu" në Fier, ku u zhvillua ndeshja mes KFF Apolonia dhe KFF Gramshi, e vlefshme për javën e 14-të të Kategorisë Superiore të futbollit të femrave. Ndërsa gjithçka po zhvillohej normalisht, pavarësisht ankesave tona për masat e sigurisë, në minutën e 65-të, pas një ndërhyrjeje si lojtare e fundit, një lojtare e Apolonisë u ndëshkua me karton të kuq. Kaq mjaftoi që presidenti i Apolonisë, së bashku me dy zyrtarë të klubit, të pushtonin fushën, të shanin dhe ofendonin arbitrin kryesor me një fjalor degradues, të denjë vetëm për njerëz të rrugës. Ata gjithashtu e shtynë, e prekën dhe e goditën fizikisht arbitrin, duke shkaktuar ndërprerjen e ndeshjes për më shumë se 20 minuta. Madje, një nga zyrtarët e KFF Apolonia shihet qartë edhe në video duke tentuar të heqë rripin e pantallonave. Po rripi? Për çfarë? Në asnjë nga këto momente nuk kishte prezencë të forcave të policisë së Shtetit', thuhet në reagim. 

Në reagim thuhet se FSHF është lajmëruar se mund të ketë incidente të tilla në këtë ndeshje. Ndër të tjera, theksohet se, do të kërkohet marrja e masave lidhur me këtë ngjarje dhe dhënia e rezultatit në tavolinë.

'Në fakt, e kishim paralajmëruar FSHF-në për mundësinë e shfaqjes së këtyre ngjarjeve. Nuk mundet që një nga ndeshjet më të forta dhe më të bukura sportive, mes dy ekipeve pretendente, të luhej në një aneks stërvitor të denjë për U-13 dhe aspak për Kategorinë Superiore të Femrave. Kërkuam transmetim live, por nuk u realizuan me pretendimin se KFF Apolonia nuk i siguronte dot kushtet. Po pastaj? Edhe KFF Gramshi nuk i plotëson kushtet në stadiumin e vet, por ndeshjet i luan në "Shtëpinë e Futbollit" pranë FSHF-së. Ja ku ishte një zgjidhje për KFF Apolonia, por nuk u pranua.

KFF Gramshi nuk do të lejojë që këto akte të shëmtuara dhune, që duket sikur synojnë të rikthejnë makthin e viteve të errëta të futbollit shqiptar, të kalojnë pa përgjegjësi. Nuk mund të pranojmë rikthimin e kohës kur dhuna ishte normë, shpulla konsiderohej lavdërim, pështyma respekt, shkelmi falënderim dhe grushti nderim. Kjo kohë ka marrë fund. Ne do të paraqesim ankimimin tonë pranë organeve kompetente të FSHF-së, ku do të kërkojmë marrjen e masave dhe dhënien e rezultatit në tavolinë', thuhet në reagim. 


Lajmi kryesor:

Fier/ Incident në ndeshjen e futbollit Apolonia-Gramshi për femra, Koço Kokëdhima shtyn dhe kërcënon gjyqtarin! Takimi duhej ndërprerë, por u rinis pas presioneve? (VIDEO)
S.B/Shqiptarja.com
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Sot Fitër Bajrami, besimtarët myslimanë falin namazin në Kukës e Lezhë në xhamitë e qytetit

Sot Fitër Bajrami, besimtarët myslimanë falin namazin në Kukës e Lezhë në xhamitë e qytetit

30 Mars, 08:53