POP 5

Lajmet më të lexuara të 5 minutave të fundit

Arkiva

Incidenti në parlament, Byroja merr masa për tre deputetët

TIRANË, 11 Korrik/ATSH-Arbi Fortuzi/-. Incidenti i ndodhur një ditë më parë në ambientet e Kuvendit të Shqipërisë, gjatë seancës plenare, ka bërë që me kërkesë të Kryetarit të Kuvendit,  Ilir Meta të mblidhet byroja parlamentare. Gjatë mbledhjes së Byros, Meta u shpreh se pasi është njohur me informacionin e paraqitur nga Garda e Republikës dhe […]
TIRANË, 11 Korrik/ATSH-Arbi Fortuzi/-. Incidenti i ndodhur një ditë më parë në ambientet e Kuvendit të Shqipërisë, gjatë seancës plenare, ka bërë që me kërkesë të Kryetarit të Kuvendit,  Ilir Meta të mblidhet byroja parlamentare.
Gjatë mbledhjes së Byros, Meta u shpreh se pasi është njohur me informacionin e paraqitur nga Garda e Republikës dhe pamjet filmike të ngjarjes, ka kërkuar që Kuvendi i Shqipërisë të mbajë një qëndrim lidhur me të. Gjithashtu, ai theksoi se gjuha fizike e komunikimit është tërësisht e papranueshme dhe se kjo që ka ndodhur dëmton imazhin e Kuvendit dhe deputetëve, prandaj institucioni i Kuvendit distancohet nga ky akt i dhunshëm.
Pas diskutimeve, duke u bazuar edhe në rregullore, Byroja e Kuvendit vendosë të marrë masë disiplinore ndaj deputetëve të përfshirë në këtë incident. Kështu, deputeti Arben Ndoka është pezulluar për 7 ditë nga punimet e Kuvendit, deputetit Pjerin Ndreu 3 ditë, ndërsa për deputetin Gent Strazimiri u mor masa vërejtje për herë të dytë.
Kryetari i Kuvendit Meta ftoi gjithashtu të gjithë deputetët që të distancohen nga akte të tilla duke kërkuar vetëpërmbajtje dhe të ruajnë etikën në ushtrimin e funksionit të tyre.  Në përfundim, Kryetari i Kuvendit kërkoi nga grupet parlamentare të shprehen sa më parë në lidhje me Projektkodin e etikës i cili është hartuar nga shërbimet e Kuvendit në bashkëpunim me OSBE.
Byroja e Kuvendit u mblidh sot rreth orën 17:00 për të shqyrtuar incidentin e ndodhur në seancën e djeshme parlamentare.
Ngjarja:
Ligji për përdorimin e armëve i propozuar nga Ministria e Brendshme shkaktoi përplasje të forta mes shumicës dhe opozitës dhe debati degjeneroi deri në konflikt mes deputeteve ne korridoret e Kuvendit. Deputeti socialist Arben Ndoka është përplasur fizikisht me deputetin e PD Gent Strazimiri.
Ndërkohë që ndje në një prononcim për mediat deputeti i PS-së Pjerin Ndreu deklaroi se nuk është përfshirë në incident, pasi ka qënë në kafe në momentin e sherrit me Strazimirin./a.g/
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27