A e keni menduar ndonjëherë çfarë i lidh Shqipërinë me Kubën? Nuk është e shkuara komuniste. Por, në një studim të fundit, renditen në të njëjtin nivel të moderuar të sigurisë për të udhëtuar në to. Me një atmosferë përkeqësuese të pasigurisë që po zhvillohet sot në mbarë botën, tani më shumë se kurrë më parë njerëzit kërkojnë vende më të sigurta për të jetuar dhe për të udhëtuar.
Duke qenë edhe pranë festave, ku shumica e njerëzve mendojnë që të udhëtojnë, po ju sjellim një raport të fundit të përpiluar nga Safearound.com, e cila shfaq 25 vendet më të sigurta në botë. Shqipëria nuk bën pjesë në këtë kategori. Sipas renditjes, Shqipëria mban vendin e 40 nga 162 vende të studiuara, për nga siguria për të udhëtuar në të. Në rajon, Kroacia dhe Serbia shfaqen më mirë, respektivisht e 19-ta dhe e 36-ta në listë. Më e ‘rrezikshmja’ konsiderohet Kosova, e renditur e 125-a në listë.
Sipas Safearound, kryeson listën Islanda, Danimarka dhe Austria. Pas tyre vijnë respektivisht Finlanda, Singapori dhe Zelanda e Re. Sipas renditjes, 80 % e shteteve më të sigurta, janë europiane dhe në këtë listë kreysojnë shtetet skandinave. Të fundit në listë janë vendet kryesisht me konflikte të brendshme apo luftë, si Afganista, Republika qendrore e Afrikës, Sudani dhe Siria (e 162-ta). Studimi thekson se një renditje e tillë ndihmon të vështrosh për temat e përbashkëta në këto shtete për të gjetur atë që potencialisht mund ta bëjë botën tonë një vend më të sigurt në tërësi. Ndër pikat me interesin më të lartë, janë lidhjet midis sigurisë dhe pasurisë së brendshme përkatëse të vendit për frymë, qasjes arsimore, sistemeve të drejtësisë penale dhe mirëqenies sociale.
SafeAround ka renditur 162 vende dhe 111 qytete me Indeksin e Sigurisë. Siç mund ta shohim, disa rajone të globit tonë konsiderohen shumë më të sigurta se disa të tjerë. Ndër faktorët më të rëndësishëm që nxisin këto nivele të larta të sigurisë përfshijnë nivelet arsimore të këtyre popullatave, nivelet e tyre të mirëqenies sociale dhe pasurisë, si dhe sistemet efektive të drejtësisë penale. Për më tepër, qeveritë në këto vende nuk kryejnë një shkallë të konsiderueshme të dhunës së sponsorizuar nga shteti dhe si të tilla, vendosin një shembull të mirë dhe themele për ruajtjen e marrëdhënieve të shëndosha me qytetarët e tyre
Metodologjia:
SafeAround ka përpiluar dhe analizuar të dhënat nga disa burime publike për të bërë një indeks sigurie që lejon të renditen vendet e botës më të sigurta (100 = plotësisht i sigurt; 0 = shumë i rrezikshëm). Këto burime marrin parasysh të gjitha llojet e kërcënimeve të tilla si krimi, vrasjet, vdekjen në rrugë, shfaqjen e sulmeve terroriste dhe luftërat, për të ndërtuar renditjen e vet të qyteteve më të rrezikshme në botë. Monitor
Lajme të tjera
-
Tjetër hap fals, Barcelona barazon 2-2 në Vigo! Celta i shënon dy gola në fund
23 Nëntor, 22:59 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Sylvinho 'motivon' Cristian Shpendin, sulmuesi i Kombëtares shënon golin e nëntë në Itali
23 Nëntor, 21:39 -
Lefter Nika zgjidhet kryetar i Partisë MEGA, parti e minoritetit grek në Shqipëri
23 Nëntor, 21:27
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
'Sabotim'- Kush i preu kabllot në Detin Baltik, kinezët apo rusët?
23 Nëntor, 20:51 -
Poloni, fermerët bllokojnë kalimin kufitar me Ukrainën
23 Nëntor, 20:39 -
VIDEO/ Manchester City në krizë, 'Qytetarët' dhe Guardiola pesë humbje radhazi! Tottenham i shënon 4 gola në 'Etihad'
23 Nëntor, 20:27 -
Durrës/ Plagosje me thikë në lagjen nr.4! Kapen dy vëllezërit, 32 vjeçari dërgohet në spital (EMRAT)
23 Nëntor, 20:19 -
GOLAT/ Milan e Juventus 0-0 në një sfidë të shëmtuar, Atalanta fiton dhe merr kreun! Interi i jep 'shuplakë' Veronas
23 Nëntor, 20:00
