POP 5

Lajmet më të lexuara të 5 minutave të fundit

Bota

India nis përgatitjet e misionit historik në Hënë

India ka nisur misionin e saj të tretë në Hënë, duke synuar të jetë e para që do të ulet pranë skajit jugor të Hënës i cili është më pak i eksploruar.

India nis përgatitjet e misionit historik në Hënë

India ka nisur misionin e saj të tretë në Hënë, duke synuar të jetë e para që do të ulet pranë skajit jugor të Hënës i cili është më pak i eksploruar. Anija kozmike Chandrayaan-3 u ngrit në orën 14:35 të së premtes nga qendra hapësinore Sriharikota.

Zyrtarët vendas deklaruan se anija Chandrayaan-3 do të mbërrijë në Hënë në datat 23 dhe 24 gusht. Nëse ky mision do të ketë sukses, India do të jetë vetëm vendi i katërt që do të arrijë një ulje të kontrolluar në Hënë, pas SHBA-së, ish-Bashkimit Sovjetik dhe Kinës.

Të gjithë njerëzit e kanë ndjekur këtë moment përmes një video live pamjen e nisjes së raketës teksa e kanë quajtur atë si ‘madhështore’.

"Chandrayaan-3 ka filluar udhëtimin e tij drejt Hënës", shkroi shefi i Organizatës Indiane të Kërkimit Hapësinor (Isro), Sreedhara Panicker Somanath, në Twitter.

Ky mision është i treti në programin e eksplorimit hënor të Indisë, Chandrayaan-3 pritet të bazohet në suksesin e misioneve të tij të mëparshme në Hënë.

Çandrajan 3 u nis 13 vite pas misionit të parë të Indisë në Hënë në vitin 2008, kur mbaroi “kërkimin e parë dhe më të detajuar të ujit në sipërfaqen hënore dhe zbuloi se Hëna ka një atmosferë gjatë ditës”. Çandrajan 2 u nis korrikun e 2019, por ishte vetëm pjesërisht i suksesshëm, ku pjesë të tij vazhdojnë të qarkullojnë dhe studiojnë Hënën edhe sot.

Anija Chandrayaan-3 peshon 3.900 kilogramë dhe kushton 6.1 miliardë rupi (75 milionë dollarë) ka “të njëjtat synime” si misioni paraprak, të sigurojë një ulje të kontrolluar në sipërfaqen e Hënës.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28