Këmbënguli t’i kishte të gjithë pranë natën e ndërrimit të viteve, në banesën e tyre në Sukth të Durrësit. Ishte e vetëdijshme se do të ishte darka e fundit e Vitit të Ri që do të kalonte me ta, 4 fëmijët e bashkëshortin.
Prej 2 dhjetorit 2022 mbante mbi supe peshën e turpit, bullizimit dhe denigrimit.
Fotoja e saj në Tik-Tok shoqëruar me fjalë fyese kishte marrë 30.000 shikime. E rëndë ishte dhe pesha e trysnisë së opinionit publik, kolegëve të punës dhe bashkëfshatarëve
Adresën ia kishte hapur kushërira, vajza e tezes (ajo që duhet si motër) kanë treguar familjarët.
Të gjithë e dinin. E dinte familja e cila kishte kontaktuar me autoren e profilit fals për ta fshirë. Takuan dhe tek fëmijët e saj por pa rezultat.
Ngjarjen e dinte dhe policia. Familja kishte bërë denoncimin në Drejtorinë e Policisë së Durrësit, aty ku trokitet për të kërkuar ndihmë. Kishin treguar profilin madje dhe autoren se kush e kishte hapur adresën false, por duket se askush nuk e mori seriozisht.
Policia, e cila nuk bëri asgjë për të mbyllur një adresë false për më shumë se një vit përpiloi dokumentet.
“Sqarojmë se në dhjetor të vitit 2022, shtetasja B. L. ka bërë kallëzim se në rrjetet sociale ishte hapur një adresë false me emrin e saj. Për kallzimin e bërë ne dhjetor 2022, Policia ka kryer të gjitha veprimet dhe i ka referuar materialet në Prokurori dhe çështja është në hetim në Prokurori” thuhet në njoftimin e sotëm sqarues të policisë së Durrësit duke ia kaluar topin e fajit Prokurorisë së qytetit. As kjo duket se nuk e ka vënë ujin në zjarr, duke e vendosur dosjen në stivën e atyre ‘të parëndësishmeve’ dhe presin se ka kohë.
Pyetja 1 milionëshe është si ka mundësi që policia dhe as prokuroria nuk reagoi për të mbyllur profilin fals. Mjafton të shkruash suportit (të rrjetit social) dhe ata reagojnë. Një veprim I tillë mund të jetë I vështirë për një qytetar të thjeshtë që jeton në qytete të vogla apo rrethina, por është afërmendsh të mendosh që këto dy instituone nuk kanë specialistë që mund të kontaktonin për të mbyllur një profil fake.
Ndoshta nuk kishin prova për të arrestuar apo vënë para ligjit autorin, por të paktën të kishin mbyllur profilin fake.
E kanë injoruar!
Policia do të kishte dashur shumë që ngjarja të kalonte në heshtje, pasi nuk përcolli asnjë njoftim mbi ngjarjen ditën kur ajo vrau veten. As nuk do të reagonte nëse media nuk do të ngrinte zërin për nënën e 4 fëmijëve që nuk jeton më
Në kuadër të mbrojtjes vijoi sot njoftimin klishe
“Pas këtij kallëzimi nuk ka patur asnjë kallëzim apo shqetësim nga shtetasja B. L, për këtë rast. Në drejtimin e Prokurorisë së Durrësit vijojnë hetimet për zbardhjen e plotë të rrethanave të këtij rasti” Shkruhet në njoftimin e sotëm të policisë së Durrësit.
Në fakt një hetim i ri duhet të ndërmerret. Për neglizhim apo shpërdorim detyrë për ata zyrtarë të cilët nuk morën asnjë hap që do I kishte shpëtuar jetën
Ndërsa profili i Tik Tokut vijonte të merrte më shumë shikime, edhe më i madh ishte dhe presioni psikologjik përballë së cilës e gjendte veten e pambrojtur 41 vjeçarja.
Djali ishte përpjekur ta ndihmonte por pesha e turpit që e brente çdo ditë ishte më e madhe.
“Jam nuse në familje ... dhe për nder rroj”
Por nuk kishte kohë për nënën e 4 fëmijëve.
E ndjerë e pambrojtur dhe e lodhur përballë këtij turpi që e mbante mbi supe pa bërë asgjë të keqe 41 vjeçarja vendosi ti jepte fund jetës mëngjesin e 2 janarit 2024.
Komente
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
Vrasja e 14 vjeçarit dhe bullizmi online/ Rama hedh në diskutim publik dy propozime: Të mbyllim plotësisht TikTok, e Snap Chat, apo të vendosim filtra
20 Nëntor, 12:49
Taulanti qe i zene ne turin e tij te mish-peshk-rakise neper policite ne rrethe me ngjarje si psh kush i vrau kriminelet e Tropojes ose si te mos hetohet Rama-Doshi per krimin e 21 Janarit.
PërgjigjuTamam personat përgjegjes të policisë apo të prokurorisë jan vrasësit e vërtet me neglizhencën e tyre dhe të mbajnë përgjegjësi ligjore
PërgjigjuShperdorimi i detyres jo indiferentizmi se duket sikur i amniston. Policia ka pergjegjesi te rende penale pasi nuk mund te thote vetem e kam percjelle ne prokurori kallezimin. Perse cfare eshte Policia e Shtetit sherbim postar? A ka detyra funksoonale kjo polici? Ketu duhet kerkuar problemi.
PërgjigjuËshtë prokuroria përgjegjëse në këtë rast. Policia e ka bërë detyrën dhe ka referuar çështjen. Prokuroria nuk ka nge të merret me këto lloj veprash penale dhe zakonisht merr vendim për mosfillimin e çështjes. Ngushëllime familjes!
PërgjigjuAutoritetet qe NUK KANE KRYER DETYREN,jane fajtorë njelloj si personi që ka krijuar profilin fals.Drejtësia të veprojë mbi të gjithe keta,dhe politika të forcojë ligjet per rrjetet sociale,që efektivisht janë antisociale.
Përgjigju