Kompanitë gjermane kanë ulur prodhimin e tyre befasisht gjatë qershorit.Industria, ndërtimi dhe furnizuesit e energjisësë së bashku prodhuan 1,5 për qind më pak se një muaj më parë. Shumë kompani po reduktojnë prodhimin e tyre, pasi industria po tregon shenja dobësie.
Kompanitë gjermane kanë ulur prodhimin e tyre befasisht shumë në qershor.Industria, ndërtimi dhe furnizuesit e energjisësë bashku prodhuan 1,5 për qind më pak se një muaj më parë, bëri të ditur të hënën (07.08.2023) Zyra Federale e Statistikave.
Ekonomistët e anketuar nga agjencia e lajmeve Reuters kanë pritur një minus prej vetëm 0.5 për qind. Në maj pati një rënie prej 0.1 për qind. "Disponimi i keq midis kompanive tregon një letargji të vazhdueshme," tha kryeekonomisti Alexander Krüger nga Hauck Aufhäuser Lampe Privatbank.
"Më e shumta që mund të pritet në tremujorin aktual është një rritje e vogël e prodhimit." Kryeekonomisti i Commerzbank Jörg Krämer shpjegon: "Ekonomia gjermane do të shënojë rënie edhe në gjysmën e dytë të vitit."
Industria ka prodhuar rreth 1,3 për qind më pak në qershor sesa një muaj më parë. "Pavarësisht rritjes së fundit të kërkesave, perspektiva për aktivitetin industrial mbetet e zymtë, sepse u ndikua shumë nga mungesa e porosive të mëdha”, komentoi Ministria e Ekonomisë zhvillimet e fundit. "Për shkak të pritjeve më të vogla të biznesit dhe eksportit të kompanive, një rimëkëmbje e dukshme nuk është ende në horizont."
Gjermania është në rënie ekonomike
Specialisti i Commerzbank Krämer theksoi: "Minusi në qershorjep një sinjal paraprak për shifrat e dobëta të prodhimit që do të shfaqen në muajt e ardhshëm." Sepse tendenca e porosive ka kohë që është në rënie. "Përveç kësaj, sipas sondazheve, kompanitë kanë përpunuar tashmë porositë që kanë mbetur nga koha e Coronës”.
Industria e dëmtuar është rikuperuar pak kohët e fundit pas porosive çuditërisht të mëdha - ndër tjera edhe për shkak të porosive të mëdha nga industria e hapësirës ajrore. Në qershor, porositë u rritën me 7,0 për qind krahasuar me muajin e mëparshëm, që është rritja më e madhe në tre vjetët e fundit. Në maj ka pasur një rritje jashtëzakonisht të lartë me 6.2 për qind, ndërsa tani rritja është edhe më e madhe.
Megjithatë, treguesit kryesorë si klima e biznesit Ifo, tregojnë se ekonomia gjermane, e cila dikur shënonte rritje për vite të tëra, ende është në rënie. Industria e ndërtimit - e cila po vuan nga normat e larta të interesit dhe rënia e porosive të reja për ndërtim - raportoi një rënie të prodhimit prej 2,8 për qind në qershor. Nga ana tjetër, furnizuesit e energjisë kanë prodhuar 0,6 për qind më shumë se një muaj më parë.
Barometri mujor i firmës konsulente Sentix për pritjet ekonomike të agjentëve të aksioneve në Eurozonë ishte pak më i mirë në gusht, pas tre rënieve. Nga ana tjetër, indeksi për Gjermaninë ra për të katërtin muaj radhazi dhe tani është në vlerën më të ulët që nga tetori i vitit 2022. "Ekonomia më e madhe po shndërrohet në njeriun e sëmurë të Eurozonës dhe po bëhet një barrë në rajon”, shpjegoi Sentix. Ekonomia e këtushme duket se ka një frenim të plotë për momentin.DW
Komente
Lajme të tjera
-
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39 -
Kancelari Scholz: Biseda telefonike me Trump, e detajuar! Folëm gjatë për Ukrainën, ai mendon ndryshe nga sa perceptohet në Europë
16 Nëntor, 17:42 -
Qeveritë në Paris dhe Berlin mbeten pa para
16 Nëntor, 09:29 -
33 vjeçari i dha fund jetës në Gjermani, mbërrin në Fier trupi i pajetë i Dritan Lalaj
15 Nëntor, 18:00
-
Lufta në Ukrainë/ Scholz bisedë telefonike me Putin pas dy viteve: Tërhiqni trupat dhe të negociojmë! Zelensky: Biseda hap kutinë e Pandorës, minon përpjekjet
15 Nëntor, 16:31 -
Dështimi i koalicionit qeverisës në Gjermani, Scholz: Do të kërkoj votëbesim në dhjetor
13 Nëntor, 19:02 -
Zgjedhjet e reja dhe votëbesimi, Scholz del sot para Bundestagut
13 Nëntor, 09:17 -
Panik në ajër! Turbulencat e forta godasin avionin ‘Lufthansa’ gjatë fluturimit nga Buenos Aires në Frankfurt, 11 të plagosur
12 Nëntor, 17:33 -
Caktohet data, kur do të zhvillohen zgjedhjet e parakohshme në Gjermani
12 Nëntor, 13:08
-
Gjermani: Qeveria e paralizuar rrezikon ekonominë e vendit
11 Nëntor, 08:06 -
Analiza: Kthimi i Trump është një lajm i tmerrshëm për Ukrainën
10 Nëntor, 15:40
-
‘Prishja e koalicionit në Berlin erdhi si shok për gjermanët’, kur do të zhvillohen zgjedhjet e parakohshme?
10 Nëntor, 14:08
Nuk ka energji te lire tani se jua preu Putin dhe ky eshte vetem fillimi i problemeve dua ti shikoj kur te vije ky dimer si do te shkojne punet
Përgjigju