Iniciativa e Albana Osmanit
për fëmijët e fshatit SOS

Lulet dhe ngjyrat ndryshojnë botën! Kështu ka ndryshuar edhe bota e fëmijëve të fshatit SOS dhe e prezantueses së njohur, Albana Osmanti. Dita e sotme, 6 maji njihet edhe si “Dita e luleve dhe ngjyrave”.



Albana ka qenë e ftuar për të marrë pjesë në një aktivitet të organizuar për këta fëmijë dhe së bashku janë argëtuar duke ngjyrosur letra me ngjyra e duke pikturuar. Fëmijët bashkë me Albanën kanë realizuar edhe një pikturë që do ta përfaqësojë Shqipërinë në një konkurs ndërkombëtar.



E frymëzuar dhe e prekur nga realiteti i këtyre fëmiëjve Albana është bërë iniciatore e një gjesti të bukur humanitar. Këtë gjë ajo e ka ndarë edhe në Facebook në faqen e saj zyrtare ku ka shkruar. “Sot në fshatin SOS në kryeqytet ,isha prezente në një ditë ku bashkë me fëmijët ndryshuam botën duke e pikturuar me ngjyra në letrat tona.



Ndjeva të kërkoj nga ju miqtë e mi një iniciativë të përbashkët. Kushdo që ka rroba,lodra, qoftë këto të fëmijëve tuaj apo të familjarëve tuaj. Së bashku le të mblidhemi Të shtunën e 18 Majit tek Top-Channel në orën 11:00.



Kjo iniciativë le të vlejë për këdo që ndjen të ndryshojë një jetë qoftë dhe me një kukull të vogël që i kujton se bota është e bukur, përherë”, - ka shkruar Albana, e cila aktualisht po modern me sukses për të dytin vit rishtaz “Fun Club”.



Vajza bukuroshe nuk njihet vetëm si një prezantuese e suksesshme por edhe si piktore pasi është diplomuar në Akademinë e Arteve. Urojmë që nisma e saj të gjej sa më shumë përkrahës, e pse jo të gjithë të dhurojmë diçka nga vetja për ata fëmijë që nuk e kanë fatin të jetojnë në një familje normale.

Redaksia Online
(j.h/xh.k/shqiptarja.com)