POP 5

Lajmet më të lexuara të 5 minutave të fundit

Bota

Iniciativë e re kundër Kinës? SHBA dhe Tajvani do të nisin bisedimet zyrtare tregtare

Shtetet e Bashkuara dhe Tajvani kanë rënë dakord që të fillojnë bisedimet tregtare nën një iniciativë të re për të arritur marrëveshje me "rezultate të rëndësishme ekonomike". Një zyrtar i Tajvanit tha se do të diskutohej gjithashtu "shtrëngimi ekonomik" i Kinës.

Iniciativë e re kundër Kinës? SHBA dhe Tajvani do të nisin bisedimet zyrtare tregtare

Tajvan - SHBA

Shtetet e Bashkuara dhe Tajvani kanë rënë dakord që të fillojnë bisedimet tregtare nën një iniciativë të re për të arritur marrëveshje me "rezultate të rëndësishme ekonomike". Një zyrtar i Tajvanit tha se do të diskutohej gjithashtu "shtrëngimi ekonomik" i Kinës.

Uashingtoni dhe Taipei shpalosën Iniciativën SHBA-Tajvan për Tregtinë e Shekullit 21 në qershor, vetëm disa ditë pasi administrata e Bidenit e përjashtoi ishullin e pretenduar nga Kina nga plani i tij ekonomik i fokusuar në Azi, i krijuar për të kundërshtuar ndikimin në rritje të Kinës.

Negociatori kryesor tregtar i Tajvanit, John Deng, u tha gazetarëve në Taipei të enjten se shpresonte se bisedimet mund të fillonin muajin e ardhshëm dhe se kjo një ditë mund të çojë në një marrëveshje të tregtisë së lirë që ishulli ka kërkuar prej kohësh me Shtetet e Bashkuara.

Mandati i negociatave i lëshuar së bashku me njoftimin, tha se Shtetet e Bashkuara dhe Tajvani kanë vendosur një axhendë të fortë për bisedimet për çështje si lehtësimi i tregtisë, praktikat e mira rregullatore dhe heqja e barrierave diskriminuese ndaj tregtisë.

Në mandat thuhet se fillimi i bisedimeve zyrtare do të kishte si qëllim arritjen marrëveshjeve me "angazhime të standardit të lartë dhe rezultate domethënëse për ekonominë".

Deng tha se një nga temat do të ishte shtrëngimi ekonomik i Kinës, si përgjigje ndaj veprimeve që Pekini po ndërmerr për të bllokuar tregtinë me vendet me të cilat është në mosmarrëveshje.

Pavarësisht mungesës së lidhjeve zyrtare diplomatike, Uashingtoni ka qenë i prirur për të forcuar mbështetjen për Tajvanin, veçanërisht pasi vendi po përballet me presion të shtuar politik nga Kina për të pranuar pretendimet e kësaj të fundit për sovranitet.

Ndonëse SHBA-ja nuk e njeh zyrtarisht Tajvanin, mban lidhje të forta me ishullin, duke përfshirë shitjen e armëve me qëllim mbrojtjen territoriale.

Tensionet mes Kinës dhe Tajvanit janë shtuar së fundmi me vizitën e udhëheqëses së Dhomës së Përfaqësuesve në Shtetet e Bashkuara, Nancy Pelosi. Vizita e ka nxitur Kinën të kryejë stërvitje ushtarake rreth Tajvanit. Tajvani ka akuzuar Kinën se po tenton pushtimin e ishullit, të cilin Pekini e konsideron të vetin.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lali: 18/08/2022 08:41

    Po u kruajte me shume hunj njeri do te futet , dhe puna e Amerikes nuk po le vend pa gacmuar po do tja shikoj fundin vetes nje dite !

    Përgjigju
    • Den: 18/08/2022 10:01

      Po o k...,ashtu si do e shohe fundin shume me shpejt ata benjaminet e tu si putin dhe kinezi qe kane filluar te fryhen si gjili ne maje te plehut Historia ka treguar se tiranite nuk e kane jeten te gjate

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike

Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike

26 Dhjetor, 10:27