POP 5

Lajmet më të lexuara të 5 minutave të fundit

Politikë

Insinuatat se PD negocioi për 'shpëtimin' e Berishës, reagon Kim: Të shpallurit 'non grata' mund të flasin për komplote por s'ka ‘ndërmjetës’ për këto vendime

Ambasadorja Yuri Kim ka reaguar sot përmes një postimi për deklarata të bëra së fundmi se ka pasur një negocim PD-SHBA për të 'shpëtuar' Berishën.

Insinuatat se PD negocioi për 'shpëtimin' e Berishës, reagon Kim: Të shpallurit 'non grata' mund të flasin për komplote por s'ka ‘ndërmjetës’ për këto vendime

Sali Berisha dhe Yuri Kim

Ambasadorja Yuri Kim ka reaguar sot përmes një postimi për deklarata të bëra së fundmi se ka pasur një negocim PD-SHBA për të 'shpëtuar' Berishën.

Ambasadorja e SHBA Yuri Kim shuan të gjithë zërat duke thënë se shpallja non grata nuk mund të negociohet me SHBA dhe askush nuk mund të ndërmjetësojë një vendim të tillë. Ajo thekson se ata që janë shpallur mund të akuzojnë për komplote, por faktet për korrupsion janë të pamohueshme.

"7031 (c) përcaktimi nuk i nënshtrohet "negocimit" dhe askush nuk duhet të pretendojë të jetë "ndërmjetës". Ata të caktuar mund të fajësojnë komplotet, por faktet janë të pamohueshme. Presidenti Biden e ka bërë të qartë se SHBA do të kërkojë llogari nga ata që përfshihen në korrupsion", ka shkruar Kim.

Reagimi vjen pas një deklarate mbrëmë të gazetari Baton Haxhiu i cili u shpreh se deputeti demokrat Oerd Bylykbashi ka ndërmjetësuar me amerikanët për shpëtimin e Sali Berishës. Por kjo është mohuar nga Bylykbashi që ishte në emision.

Më 19 maj të këtij viti DASH shpalli 'non grata' Sali Berishën si të përfshirë në “veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij”. Pas vendimit të SHBA  Berisha ka shpërthyer me akuza kundër aleatit më të rëndësishëm të Kombit Shqiptar dhe ka hedhur në gjyq numrin 3 të administratës, Sekretarin amerikan të Shtetit, Antony Blinken i cili ishte ai që bëri publik vendimin e SHBA. Por beteja e Berishës tashmë nuk është vetëm kundër SHBA, por edhe kundër "birit të tij politik", Lulzim Basha i cili pranoi kërkesën e amerikanëve duke e përjashtuar liderin historik të PD nga partia, deri në zbardhjen e të vërtetës në rrugë ligjore.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • LEPUSHE: 15/10/2021 12:42

    Berisha duhet ti kaloj vitet e funit ne burg edhe pik.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

25 Dhjetor, 09:59 nga Blerina Goce