POP 5

Lajmet më të lexuara të 5 minutave të fundit

Kultura

Instalacion me portrete refugjatësh, Adrian Paci ekspozitë në Izrael me 'Histori shqiptare e siriane'

Një nga muzetë më të rëndësishëm në Haifa të Izraelit, i dedikon Adrian Pacit një hapësirë të veçantë. Nga 11 shkurti ekspozita retrospektivë e video instalacioneve të tij, kushtuar portreteve njerëzore, mirëpret vizitorë deri më 25 qershor.

Muzeu i Artit të Haifas, një nga më të rëndësishmit në Izrael, nga 11 shkurti i dedikon një hapësirë të veçantë veprës së Adrian Pacit. Ekspozita “Still voices” e artistit shqiptar, do të vendoset në një kat të tërë të muzeut, duke u ofruar vizitorëve një panoramikë të plotë të video instalacioneve që mbajnë firmën e tij. Rrugëtimi artistik nis me vendlindjen e artistit, pikërisht me instalacionin “Histori shqiptare”, të vitit 1997, e vijon deri tek  “Endacakët” e vitit 2021.

 Ndërsa boshti qëndror i ekspozitës retrospektivë do të jetë instalacioni “Fjalë të thyera” që ai realizoi në vitin 2018. Ky instalacion portretizon 5 refugjatë të intervistuar nga Paci pranë Bejrutit, pas arratisjes së tyre nga lufta në Siri. Historitë transmetohen në arabisht, dhe artisti i shfaq publikut vetëm momentet kur refugjatët ndalojnë së foluri.

 Ai kërkon që ata të kuptohen përmes emocioneve që ata përcjellin.

Por, agjenda artistike e Pacit në Haifa do të zgjerohet edhe përmes aktiviteteve të tjera. 

Kështu, në14 shkurt Instituti Italian i Kulturës, duke e konsideruar si një nga artistët më të mëdhenj bashkëkohorë organizon konferencën “Adrian Paci dhe Pier Paolo Pasolini, një vështrim i përbashkët”. Një takim që do të mbahet me rastin e 100-vjetorit të lindjes së shkrimtarit dhe regjisorit Italian, e ku do të diskutohet për burimet e përbashkëta të frymëzimit të dy artistëve.  

Kjo, pasi konsiderohet se karriera e Pacit ka pika të forta frymëzimi prej ndjeshmërisë së Pasolinit. Ekspozita “Still voices” do të qëndrojë e hapur deri në 25 qershor.

I.K/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

30 Janar, 08:44