Vlera e eksporteve për muajin e fundit të 2015-ës pësoi rënie me 7.7% krahasuar me të njëjtën periudhë të një viti më parë, referuar të dhënave nga INSTAT.

Ndërsa në krahasim me muajin nëtor, eksportet në dhjetor ranë me 8,5 %.

Ndërkohë, rënia e eksporteve për të gjithë vitin 2015 ra 4.9%, kundrejt vitit 2014.

Eksportet pësuan kështu rënien e parë vjetore pas 6 vitesh radhazi në rritje, duke vuajtur dobësinë e kërkesës dhe rënien drastike të çmimeve, sidomos në grupin e mineraleve.

Grupi “Minerale, lëndë djegëse, energji” regjistroi eksporte në vlerën e 64.5 miliardë lekëve, në rënie me 25% krahasuar me 2014-ën.  


Redaksia Online
(F.T/shqiptarja.com)