POP 5

Lajmet më të lexuara të 5 minutave të fundit

Ekonomi

INSTAT: Fermat në bujqësi
40 për qind më pak në 5 vjet

Banorët kanë braktisur masivisht bujqësinë pesë vitet e fundit. Kjo del nga regjistrimi i kryer prej INSTAT-it në zonat rurale, ku rezulton të kenë “humbur” 40% e fermave.
INSTAT: Fermat në bujqësi<br />40 për qind më pak në 5 vjet
TIRANE - Në total, në pesë vitet e fundit rezulton që njësitë ekonomike bujqësore (fermat) janë rrudhur me të paktën 40% ose 143 mijë ferma më pak. INSTAT ka publikuar dje rezultatet paraprake të Regjistrimit të Njësive Ekonomike Bujqësore, i cili u zhvillua në terren në muajin tetor 2012.

Sipas të dhënave, në vend ka gjithsej 324 mijë njësi ekonomike bujqësore. Numri më i madh i tyre është në Fier, me 16% të totalit, i ndjekur nga Elbasani me 14% dhe Tirana me 13%. Rreth 70% e njësive ekonomike bujqësore në total, i përkasin blegtorisë, sipas INSTAT. Fieri mbetet sërish rajoni me numrin më të madh të njësive ekonomike në fushën e blegtorisë, me rreth 37 mijë njësi.

Po t’i krahasojmë të dhënat e sotme të Institutit të Statistikave me ato të ministrisë së Bujqësisë, rezulton se numri i fermave bujqësore vitin e kaluar është rritur me 8%. Por, në total, në pesë vitet e fundit rezultojnë 143 mijë ferma më pak. Regjistrimi i tyre i fundit, në 2008, në rang vendi tregoi se ekzistonin 467 mijë njësi të tilla.

Edhe pse vijojnë të jenë të regjistruara si ferma, në fakt ato nuk plotësojnë statusin për të qenë të tilla.
Në 99.77% të rasteve, ferma është regjistruar si person fizik, që do të thotë se shumica e tyre janë thjesht aktivitete të vogla familjare, me të cilat sigurojnë jetesën anëtarët e familjeve në zonat rurale.

Shkrimi u botua sot në gazetën Shqiptarja.com (print) 22.03.2013

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Netanyahu do t'i paraqesë kabinetit marrëveshjen e armëpushimit në Liban! Zotohet për shkatërrimin e Hamas

Netanyahu do t'i paraqesë kabinetit marrëveshjen e armëpushimit në Liban! Zotohet për shkatërrimin e Hamas

26 Nëntor, 19:17