POP 5

Lajmet më të lexuara të 5 minutave të fundit

Kronikë

INSTAT: Numri i lindjeve po shkon drejt barazimit me vdekjet

Gjatë tremujorit të parë 2019, lindjet ishte vetëm 37 më shumë nga numri i vdekjeve.

INSTAT: Numri i lindjeve po shkon drejt barazimit me vdekjet

Gjatë tremujorit të parë 2019, lindjet ishte vetëm 37 më shumë nga numri i vdekjeve. Në të njëtin tremujor të një viti më parë, shtesa e popullsisë ishte rreth 400 persona, njoftoi dje INSTAT. Të dhënat e Institutit të Statistikave për tremujorin e parë tregojnë se shtesa e popullsisë ishte më e ulëta të paktën në pesë tremujorët e fundit, duke qenë afër zeros. Numri i lindjeve për tremujorin e parë 2019 rezulton 5.986, duke shënuar një rënie prej 10.1%, krahasuar me tremujorin e parë 2018. Numri i vdekjeve për tremujorin e parë 2019 rezulton 5.949, duke shënuar një rënie prej 5.7%, krahasuar me tremujorin e parë 2018. Në tremujorin e parë 2019, shtesa natyrore e popullsisë për 12 qarqet e Shqipërisë, shënoi vlerën më të lartë në qarkun e Tiranës, ku numri i lindjeve tejkalon me 562 numrin e vdekjeve. Në tremujorin e parë 2019, shtesa natyrore regjistron vlerë negative në tetë qarqe.

Nga 12 qarqe të vendit, 9 prej tyre pësuan rënie të numrit të lindjeve, në tremujorin e parë 2019, krahasuar me tremujorin e parë 2018. Rëniet më të mëdha në përqindje të lindjeve, gjatë kësaj periudhe u shënuan në qarkun e Gjirokastrës me 21.8% dhe qarkun e Shkodrës me 19.4%. Një rritje në përqindje e lindjeve u regjistrua në qarqet Dibër me 16.1%, Korçë me 1.3% dhe Kukës me 0.4%.

Nga 12 qarqe të vendit, 11 prej tyre pësuan rënie të numrit të vdekjeve në tremujorin e parë 2019, krahasuar me tremujorin e parë 2018. Rënien më të madhe në përqindje të vdekjeve, gjatë kësaj periudhe e shënojnë qarku i Kukësit, me 11.3% dhe qarku i Elbasanit, me 10.6%. Rritje në përqindje të vdekjeve u regjistrua në qarkun Berat, me 0.3%.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Doktori: 15/05/2019 18:33

    Ne fund te vitit vetem nje tregues do te dale me rritje. Krahasuar me vitet e fundit do rritet numri i lindjeve te jevgjve dhe gabeleve. Bonusi idiot i qeverise nxit vetem jevgjit dhe gabelet per te lindur pasi jane shqepur ne darke me raki dhe kacurrel!

    Përgjigju
  • Bxnxjzjzkz: 15/05/2019 09:10

    Njerezit jane mosmirenjohes. Qeveria po jep gjithe ate bonus. E cuditshme qe nuk ka dhene efekt, por perkundrazi.

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01