TIRANE - Instituti Piepoli u themelua në vitin 2003 dhe është kompania lider në Itali në fushën e organizimit të sondazheve, dukë qënë një nga kompanitë më të sakta në këtë fushë, çka e tregon edhe saktësia e organizimit të sondazheve në Itali për zgjedhjet parlamentare dhe vendore por dhe në vende të tjera.

Nicola Piepoli është presidenti i kësaj kompanie që ka një kapital prej mbi 570 milionë euro. Kjo kompani ka zyra në Romë dhe Milano dhe është e specializuar edhe për sondazhe të biznesit. Ka zhvilluar shumë të tilla, në Italia, në Evropën e Bashkuar e deri në Rusi.

Kjo kompani sondazhesh ka një fokus të fortë sidomos tek studimi i tregjeve, dhe është një kompanitë liderë për nxjerrjen e të dhënave në kohë rekord, të cilat u duhen kompanive të ndryshme, në mënyrë që të mbështesin aktivitetin e tyre investues. Motoja e institutit italian Piepoli është "Ekselencë në kohë reale". Ndërkohë që ka dhe shumë bashkëpunime të tjera me firma prestixhioze të sondazheve si ASSIRM dhe ESOMAR. Intervistat e saja me qytetarët për sondazhe kanë dhënë rezultate me marzh shumë të vogël gabimi dhe për zgjedhjet e fundit në Itali.


(sg/shqiptarja.com)