Integrimi/ Rama: BE-ja të besojë te Shqipëria, ashtu si NATO

Edi Rama kërkoi nga partnerët europianë që të besojnë te shqiptarët, ashtu si NATO-ja para 10 viteve që e pranoi në Aleancë. "Buxheti i mbrojtjes për 2019 njeh një rritje 10%, ku përfshihet rritja e pagave për ushtarakët, do të vijojë modernizimi i FA-së. Jam i vetëdijshëm që nuk mjafton, viti që shkoi iu kushtua Skënderbeut. Falenderoj në emër të gjithë shqiptarëve aleatët tanë të mëdhenj, SHBA-në dhe europianët.

Procesi i integrimit duhet të vijojë në të njëjtën aftësi për të besuar te Shqipëria, që patën aleatët kur aprovuan anëtarësimin në NATO. Në një dekadë si pjesë e NATO-s, Shqipëria ka qenë mishërimi i shprehjes së Nënë Terezës 'Jo të gjithë ne, mund të bëjmë gjerë të mëdha, por secili mund të bëjë gjëra të vogla me përkushtim të madh'. Këtë Shqipëria do të vijojë që ta bëjë. Të parët na kanë lënë një amanet 'Dielli i shqiptarëve lind nga Perëndimi' tha Rama.

 

Lajmi kryesor:

10-vjetori në NATO bën bashkë Metën dhe Ramën! Kryeministri lobim për Kosovën, 'SMS' Rusisë

/b.ha./Shqiptarja.com

TAG:
• nato
• parada ushtarake
• shqiperia ne nato