Për derbin e kryeqytetit që luhet nesër pra këtë të dielë në “Air Albania” ka një interesim të jashtëzakonshëm të tifozëve. Report Tv kontaktoi me drejtues të klubit të kuq që është organizator i këtij takimi dhe ata konfirmojnë se deri të shtunën në mesditë janë shitur më shumë se 7 mijë bileta.
Një interesim shumë i madh i tifozëve të të dyja skuadrave për këtë ndeshje vitrinë të kampionatit tonë që prodhon shumë emocione e rivalitet. Sfida është e vlefshme për javën e 6-të të Kategorisë Superiore dhe luhet të dielën duke filluar nga ora 19:00. Klubi i kuq ndërkaq vijon me shitjen e biletave të cilat gjenden në biletaritë pranë stadiumeve “Air Albania” dhe “Selman Stërmasi” nga ora 10:00 deri në 19:00.
Megjithëse stadiumi ka një kapacitet prej 22 mijë tifozësh fakti që deri të shtunën në mesditë janë shitur 7 mijë bileta dhe interesimi i tifozëve mbetet i lartë bën të mendosh se spektaklin në tribuna nesër do ta shijojë një numër shumë i madh futbolldashësish ndoshta më shumë se ata që panë Shqipërinë ndaj Islandës të martën në mbrëmje.
Sa i përket çmimeve në tribunën përballë një biletë për të parë derbin kushton 1 mijë lekë të rinj, në tribunat pas porte 500 lekë dhe në tribunën kryesore çmimet variojnë 3 mijë, 4 mijë dhe 5 mijë lekë.
Derbi i kryeqytetit ka paralizuar gjithë Tiranën. Drejtoria e policisë ka njoftuar masat e marra përpara këtij takimi të rëndësishëm të javës së gjashtë të Superiores. Bllokime rrugësh, si dhe rrugëkalime për këmbësorët. Gjithashtu, do të ushtrohen kontrolle ndaj tifozëve para hyrjes në stadium për sende të kundërligjshme (sende të forta, bidonë uji, çadra, çelësa metalik apo lëndë piroteknike etj). Çdo tifoz duhet të jetë i pajisur me dokument identifikimi.
"Policia e Tiranës ka hartuar plan masash për ruajtjen e rendit dhe sigurisë para, gjatë dhe pas zhvillimit të ndeshjes së futbollit midis ekipeve Partizani-Tirana qe do të zhvillohet më datë 02.10.2022, në orën 19:00, në stadiumin “Air Albania”. Masat e marra nga Policia e Tiranës konsistojnë jo vetëm në ambientet e stadiumit, por dhe në një perimetër më të gjerë jashtë tij.
Në këtë kuadër do të ketë bllokime të disa segmenteve rrugore, si dhe bllokime të pjesshme të disa segmenteve rrugore, gjatë momentit të kalimit të tifozëve. Segmentet rrugore që do të jenë të bllokuara, nga ora 16:00 deri në përfundim të aktivitetit, janë:
– Rruga “Lek Dukagjini” përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” .
Do të ketë bllokim të pjesshëm të rrugëkalimeve të tifozëve, si më poshtë:
– Lëvizja e tifozëve të Tiranës: Nga Teatri i Operas dhe Baletit, bulevardi "Dëshmorët e Kombit", rruga "Bajram Curri", Rruga e Elbasanit, rruga "Dervish Hima" - stadiumi.
– Lëvizja e tifozëve të Partizanit: Kryqëzimi i rrugës “Muhamet Gjollesha” me rrugën “Artan Lenja”, përgjatë rrugës “Muhamet Gjollesha”, rruga “Sulejman Delvina”, rruga “Gjergj Filipi” - stadiumi.
Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve jashtë itinerarit të caktuar.
Po në zbatim të planit të masave, do të ushtrohen kontrolle ndaj tifozëve para hyrjes në stadium për sende të kundërligjshme (sende të forta, bidonë uji, çadra, çelësa metalik apo lëndë piroteknike etj). Çdo tifoz duhet të jetë i pajisur me dokument identifikimi.
Nuk do të lejohen të futen në stadium persona pa dokument identifikimi, si dhe fëmijët nën moshën 16 vjeç, pa praninë e prindërit apo kujdestarit kjo e shoqeruar me dokument.
Gjithashtu, nuk do të lejohen të futen në stadium të gjithë ata tifozë të cilët në aktivitete të ndryshme sportive janë të identifikuar nga Policia, si tifozë problematikë.
Shërbimet e Policisë në rastet e prishjes së rendit dhe qetësisë publike, do të ndërhyjnë si në ambientet e jashtme të stadiumit, ashtu dhe në ambientet e brendshme, për rivendosjen e rendit dhe shoqërimin e personave që do shkaktojnë trazira apo kryejnë veprime antisportive.
Policia e Tiranës kërkon mirëkuptimin e tifozerive respektive, për zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura në oraret e caktuara", thuhet në njoftim.
Komente
Lajme të tjera
-
Tirana harron të fitojë, barazon 0-0 me Teutën në ‘Air Albania’! Renditja e Superligës dhe agjenda e javës së 18-të
10 Dhjetor, 09:31 -
Partizani humb komandën e Superligës, Bylisi i Nevil Dedes e mposht në Ballsh
9 Dhjetor, 15:43 -
Partizani, Veselinovic: Kujdes nga Bylis, mposhtën Vllazninë
8 Dhjetor, 21:22 -
Renditja/ Partizani dhe Egnatia barazojnë 1-1 mes polemikave, Skënderbeu e Tirana pa gola në Korçë! Superliga mbyll javën e 16-të
6 Dhjetor, 09:31 -
Dënime dhe gjoba, Disiplina me dorë të fortë! E pësojnë Tirana, Partizani dhe Flamurtari
5 Dhjetor, 15:26 -
Vllaznia dy humbje radhazi, Dinamo e mposht 2-3 në Shkodër! AF Elbasani përmbys Bylisin, trajneri Bordin jep dorëheqjen! Sot dy ndeshje në Superligë
5 Dhjetor, 10:24 -
Skënderbeu - Tirana, Gugash Magani: Gabimin e derbit e përmirësojmë në Korçë
4 Dhjetor, 14:52 -
Ndeshja me Partizanin, Edlir Tetova: Terreni e bën të vështirë, Egnatia kërkon tri pikët në kryeqytet
4 Dhjetor, 14:20 -
Refik Halili nuk përmbahet, sulmon Armand Dukën: Këtu vriten për 500 lekë, ju po më shkatërroni miliona euro! Do na kenë në derën e shtëpive, kam besim vetëm te Edi Rama
1 Dhjetor, 21:35 -
Dramë deri në limite, Tirana dhe Partizani barazojnë 0-0 në derbin e 176-të! Qirko priti penallti në minutën e 90+7
1 Dhjetor, 20:59 -
Derbi me Tiranën, Veselinovic: Kemi përballë një skuadër të madhe, Partizani do fitoren
30 Nëntor, 19:14 -
Derbi Tirana - Partizani, 'Blutë' shoqërojnë tifozët në stadium! Bllokim rrugësh, policia tregon planin e masave
30 Nëntor, 18:12
Perderisa superliga shqiptare ashte ma è dobta ne Evrope,edhe derbi ska vlere.
Përgjigju