POP 5

Lajmet më të lexuara të 5 minutave të fundit

Kosova & Rajoni

Internacionalja Socialiste/ Fjalimi i Kurtit për Kantin i mërziti pjesëmarrësit, kryeministri spanjoll e të tjerë i rrokën telefonat (VIDEO)

Kryeministri i Kosovës dhe kryetari i Lëvizjes Vetëvendosje, Albin Kurti, mori pjesë të premten në një konferencë të Intenacionales Socialiste. Ai mbajti një fjalim në gjuhën angleze – jo shumë të gjatë, dorën në zemër, siç e ka zakon -, para pjesëmarrësve nga vende të ndryshme.

Kryeministri i Kosovës dhe kryetari i Lëvizjes Vetëvendosje, Albin Kurti, mori pjesë të premten në një konferencë të Intenacionales Socialiste. Ai mbajti një fjalim në gjuhën angleze – jo shumë të gjatë, dorën në zemër, siç e ka zakon -, para pjesëmarrësve nga vende të ndryshme. Sidoqoftë, edhe pse fjalimi i Kurtit nuk zgjati shumë, duket se ishte mjaftueshëm i gjatë dhe monoton për ta mërzitur audiencën.

“Që nga ideja e famshme e Immanuel Kantit për marrëdhënien mes të dyjave, paqja dhe demokracia kanë qenë shumë ngushtë të lidhura në imagjinatën tonë”- e filloi fjalimin kryeministri Kurti. Si duket, kjo fjali u dha pasqyrë të qartë pjesëmarrësve për përmbajtjen e mëtejme të fjalës së tij, që, duke u bazuar në pamjet e publikuara nga vetë Kurti në rrjete sociale, nuk u la shumë përshtypje.

Teksa Kurti po e lexonte vazhdimisht fjalimin e tij, vëmendja e pjesëmarrësve la për të dëshiruar. Në sy bie sidomos kryeministri i Spanjës dhe presidenti i Internacionales Socialiste, Pedro Sanchez, i cili shuhet ulur afër foltores ku po lexonte Kurti.

Përderisa Kurti e lexonte fjalimin, kryeministri spanjoll shihet i përqendruar në gjëra të tjera e jo duke e dëgjuar me vëmendje homologun kosovar. Sanchez-i shihet duke e përdorur telefonin, duke i mbushur gotën e vet dhe të personit afër tij me ujë me ibrik, duke shkruar me laps e duke biseduar me disa njerëz të tjerë.

Kur personi që po e incizonte fjalimin e Kurtit, vëren se kryeministrit spanjoll nuk po i interesojnë fort fjalët e kryeministrit kosovar dhe vendos që ta rrokë telefonin, incizuesi e largon Sanchez-in nga kuadri i kamerës. Të njëjtin veprim e bën edhe pak më vonë, kur kryeministri spanjoll shërben veten dhe dikë tjetër me ujë me ibrik.

Në një moment, personi që po incizonte, e jep pamjen e pjesës tjetër të sallës, ku shihen rreshtat me pjesëmarrës. Shumë prej tyre nuk duken aq të interesuar për ta dëgjuar fjalimin. Shumë prej tyre shihen duke i përdorur telefonat e dikush duke shfletuar diçka.

Fjalimi – ose leximi – i Kurtit zgjati më pak se dhjetë minuta, por, duke u mbështetur në pamje, kjo kohë mund t’i jetë dukur shumëkujt goxha më e gjatë./ Nacionale

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Militantë të Berishës protestojnë kundër Ramës në Londër (VIDEO)

Militantë të Berishës protestojnë kundër Ramës në Londër (VIDEO)

24 Nëntor, 12:59