Deputetja e zgjedhur nën siglën e PDIU, Elena Xhina, gjatë një interviste për Shqiptarja.com, i është përgjigjur akuzave të kreut të PDIU, Shpëtim Idrizi, i cili e ka konsideruar atë deputete aksidentale dhe se nuk e di se ku janë zyrat e PDIU. Xhina thotë se është përpjekur të ofrojë kontributin maksimal në PDIU, por dera e kësaj partie ka qenë përherë e mbyllur. E pyetur mbi afrimin e Shpëtim Idrizit me PD, Xhina tha se do të rishikojë pozicionin e saj në raport me PDIU.
Intervista e plotë
-Z. Idrizi ju quajti deputete aksidentale dhe se nuk dini ku është selia e PDIU-së. Si ju përgjigjeni këtyre akuzave?
Lidhur me artikulimin e Z. Idrizi se ne deputetët e kësaj force jemi aksidentalë dhe nuk kemi qenë asnjëherë pjesë e PDIU-së nuk di se çfarë ka dashur të thotë apo të nënkuptojë dhe për këtë mund ta pyesni atë personalisht, por unë dua të theksoj faktin se nëse jam deputete aksidentale duhet të pyeten votuesit e Elbasanit, të cilët kanë vlerësuar personin tim duke pasur në konsideratë si karrierën time profesionale ashtu dhe veprimtarinë akademike prej pothuaj 15 vitesh. Për sa i përket deklarimit të Z. Idrizi se ne deputetët nuk dimë ku janë zyrat e PDIU-së dua të sqaroj se unë personalisht, në cilësinë e deputetes së PDIU-së vazhdimisht jam përpjekur të ofroj kontributin dhe angazhimin tim maksimal në PDIU, por për çudi dera e kësaj partie ka qenë përherë e mbyllur. Të paktën Z. Idrizi, kryetari i partisë ka qenë në dijeni të faktit se asnjëherë nuk i jam shmangur detyrimeve të mia që rrjedhin nga funksioni i deputetit kundrejt PDIU-së por përkundrazi kam qenë e gatshme dhe e hapur për të qenë sa më pranë kësaj force, por siç e përmenda më sipër, kurrë se kam kuptuar arsyen pse këto përpjekje të miat nuk janë mirëpritur dhe dera e PDIU-së ka qëndruar e mbyllur.
-Ju keni deklaruar se jeni deputete e pavarur. Çfarë kuptoni ju me këtë?
Është e vërtetë se nga ana ime është deklaruar se i përkas grupimit të deputetëve të pavarur në parlament dhe në atë kohë situatën time politike e kam sqaruar me anë të dy statuseve në rrjetet sociale. Lidhur me këtë deklarim sqaroj përsëri se termi i përdorur nga unë "deputete e pavarur", i përket terminologjisë parlamentare pasi duke qenë para faktit se PDIU kishte vetëm tre deputet në parlament nuk mund të formonte grup parlamentar dhe në këto kushte kur unë nuk i përkas asnjë grupimi parlamentar, i përkas grupimit të deputetëve të pavarur. Sqaroj dhe njëherë se deri më sot kam qenë përfaqësuese në parlament e forcës politike PDIU dhe në momentin që ndodhem para faktit që kryetari PDIU-së ka deklaruar se unë nuk jam dhe nuk kam qenë asnjëherë deputete e kësaj Partie, fakt të cilin e mësova nga mediat, do të reflektoj lidhur me pozicionimin tim politik.
-Zonja Xhina, kryetari i partisë që ju jeni zgjedhur deputete iu bashkua në koalicion PD-së. Ç’ndodh me ju në këtë pozicion?
Duke e parë situatën në dritën e fakteve konkrete, distancimi i PDIU-së nga unë si deputete e kësaj partie, ndryshimi i qëndrimit politik të PDIU-së, sigurisht që më detyrojnë që ta rishikoj pozicionin tim politik dhe të reflektoj, por ajo ç’ka dua të theksoj është fakti se prioritet për mua janë qytetarët e Elbasanit dhe votuesit e mi. Interesi dhe synimi im i vërtetë janë pikërisht këta qytetarë, mirëqenia e tyre dhe ngjyrat politike përballë tyre janë të parëndësishme për mua.
Lajme të tjera
-
Parlamenti/ Tensione të tjera në sallë, Dogjani kërkon fjalën para Idrizit dhe bllokon foltoren, ndërhyn dhe Garda! Pritet votimi i buxhetit (VIDEO)
19 Nëntor, 20:03 -
Zgjedhjet 2025/ Presidenti Begaj nis konsultimet me partitë për datën! Nesër pret PR, PBDNJ, PDIU e LZHK! Më 25 nëntor PS dhe PD
19 Nëntor, 16:34 -
Vlora e mbytur në llum pas përmbytjes, deputeti i PDIU i kërkon llogari Agjencisë së Mjedisit: A keni bërë inspektime, në kanalet e pastrimit nuk del as miu se i gërvishtet shpina
15 Tetor, 17:12
-
Eduard Zaloshnja: Vlora, qarku ku PDIU-ja mund të përcaktojë mandatin e 9-të të PS-së
4 Tetor, 15:41
-
PDIU i jep legjitimitet seancës plenare, dy deputetët opozitarë i shpëtojnë ‘rrethimit’ të Kuvendit
3 Tetor, 15:53 -
Eridian Salianji ikën pas 15 vitesh si përfaqësues i PS në KQZ
24 Shtator, 12:49
-
Kuvendi miraton pr/ligji për studentët e Mjekësisë, 3 vite punë të detyruar ose paguaj studimet! Shteti duhet ta punësojë brenda 3 muajsh ose t'i japë 80% të pagës për 9 muaj
19 Shtator, 17:32
-
Kuvendi miraton deklaratën: Greqia të heqë ligjin e luftës me Shqipërinë! Idrizi: Mban gjendjen e luftës dhe sekuestron për pronat e shqiptarëve
18 Korrik, 11:47 -
Të hiqet ligji i luftës me Greqinë! Ja përmbajtja e Pr/deklaratës së PDIU-së që do të votohet javën tjetër në Kuvend
10 Korrik, 14:46 -
PDIU pr/dokument në Kuvend për abrogimin e ligjit të luftës më Greqinë
4 Korrik, 13:17 -
“Çështja “Çame” nuk është folklor”, Abaz Hado kritika ndaj Shpëtim Idrizit: Interesat e vogla gjithmonë të bëjnë të vogël
29 Qershor, 14:05 -
80-vjetori i gjenocidit në Çamëri, Shpëtim Idrizi: Duam falje publike nga Greqia
23 Qershor, 19:07
