Coca-Cola Bottling Shqipëria njofton përdorimin e Paneleve të Energjisë Diellore - Fotovoltaike, me qëllim uljen vjetore të sasisë së CO2 të emetuar dhe mbulimin e konsumit vjetor të energjisë në një nivel prej 62%, përmes përdorimit të burimeve natyrore me qëllim mbrotjen e mjedisin nga ndotja.
Plot 10,680 m2 sipërfaqe janë pajisur me panele fotovoltaike në ambientet e CCBS, në një investim total prej 1,050,000 €.
Coca-Cola në Shqipëri tashmë prej vitesh është në pararojë të ndërgjegjësimit shoqëror, duke zbatuar vazhdimisht dhe në mënyrë progresive teknologjinë më miqësore për mjedisin. Nga impianti i filtrimit të ujit, te zëvendësimi i automjeteve të flotës së shitjeve me ato 100% elektrike, Coca-Cola synon të rrisë ndërgjegjësimin se si "trekëndëshi i artë" midis institucioneve, OJQ-ve dhe kompanive private, të mund të krijojë përfitime për vendin në përgjithësi dhe ekonominë qarkore në veçanti.
Përveç CCBS, Uji i Ftohtë Tepelenë investoi gjithashtu në sistemin e panelit fotovoltaik, duke mbuluar 3,221 m2 me panele fotovoltaike, duke mundësuar mbulim prej 61% të konsumit vjetor dhe duke reduktuar 366 ton CO2 të emetuar në vit, sasi kjo e barazvlefshme me punën e bërë nga 10,576 pemë çdo vit. Investimi i përgjithshëm i kompanisë Uji i Ftohtë Tepelenë për sistemin e energjisë me energji fotovoltaike është 360,000 €.
"Ne zgjedhim të lëmë gjurmën tonë të gjelbër në Shqipëri dhe të vazhdojmë të kontribuojmë drejt qëndrueshmërisë, ndërsa e mundësojmë këtë investim përmes furnitorëve vendas, apo institucioneve dhe palëve të treta vendase, duke fuqizuar rrjedhimisht ekonominë qarkore në Shqipëri" - shtoi z. Luca Busi, Presidenti i Coca- Cola Bottling Shqipëria dhe Uji i Ftohtë Tepelenë.
Ndërsa CCBS & Uji i Ftohtë Tepelenë investojnë në Shqipëri, modele të tjera do të pasohen së shpejti me mbështetjen e “The Coca-Cola Company” në kuadër të projektit "Bota pa Mbetje", duke lejuar një ndikim të tillë të fuqishëm në ekonominë tonë dhe duke rritur këtë Grup Sipërmarrjeje në pozicionin nr. 1 për mbështetjen e qëndrueshmërisë dhe përmirësimin e ekonomisë qarkore në vend.
Lajme të tjera
-
Pr/buxheti 2024/ Qeveria jep 56 mld lekë për arsimin, Ministrja: Do rrisim pagat! Braçe propozon: Të mbështesim projektet për ngrohje me panele fotovoltaike
14 Nëntor 2023, 10:45 -
Sazani me panele fotovoltaike, shpallet fituesi për impiantin e radarit dhe godinat
25 Tetor 2023, 07:27 -
Turneu i trofeut të FIFA World cup nga Coca-Cola vjen për herë të parë në Shqipëri: Festojmë fuqinë gjithëpërfshirëse
23 Maj 2022, 15:18 -
Coca-Cola në Shqipëri, udhëheqëse e nismave në të mirë të mjedisit
19 Nëntor 2021, 08:35
