Investime në Kukës, ndryshon pamja e tre lagjeve në qytet

Ka filluar rikualifikimi urban i tre lagjeve në Kukës, një projekt ky i financuar nga Fondi Shqiptar i Zhvillimit dhe Bashkia me vlerë rreth 400 milionë lekë.

"Sot kanë vazhduar punimet e asfaltimit dhe brenda kësaj jave pritet të përfundojë asfaltimi në lagjet nr 4 dhe 5.  Ne me këtë rast gjemë momentin t'u kërkojmë qytetarëve që të na mirëkuptojnë pasi kemi patur dhe problematika në lidhje me automjetet që parkojnë nëpër qendrat e banimit nga ana e qytetarëve. Gjatë kësaj jave do të vazhdoje edhe vendosja e ndriçuesve të bllokut të lagjes 4 dhe 5. pjesa e këtij blloku, bashkë me ndriçim brenda 10 ditëve besoj se do të përfundojnë punimet", tha Drejtori i Urbanizmit, Andrit Shehu.

Ai shtoi se të gjitha trotuaret e rrugëve kryesore të qytetit të cilat janë dëmtuar si rrjedhoje e punimeve nëntokësore do të sistemohen.

"Si rezultat i punimeve  të infrastrukturës nëntokësore është bërë shtrimi i të gjithë rrjetit elektrik të qytetit në këto blloqe është bërë i ri. Këto segmente të trotuareve pjesërisht do të bëhen të reja dhe pjesërisht do të riparohen, por gjithçka do t'i rikthehet normalitetit në ditët në vazhdimësi, pasi edhe punimet për instalimin e këtyre rrjeteve kanë përfunduar në këtë segment . Kështu që shumë shpejt pritet të përfundojë procesi i rehabilitimit të këtyre trotuareve", u shpreh Shehu. 

Ky projekt  që pritet të përfundojnë në dhjetor synon të sistemojë tërësisht këto tre lagje me infrastrukturë nëntokësore, trotuare,ndriçim, asfaltim lulishte si dhe lyerja e fasadave për 37 pallate.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Panik' te Juventus, Man. United në sulm për Bremer

'Panik' te Juventus, Man. United në sulm për Bremer