VLORE- Mungesa e infrastrukturës mbetet problemi kryesor në lagjen “24 maji” në qytetin bregdetar të Vlorës. Rrugët e paasfaltuara janë shqetësimi kryesor i banorëve të kësaj zone, e cila është ndër më të populluarat në këtë qytet.
 
Punimet për rikonstruksionin e rrugëve të brendshme nisën kohë më parë, por për arsye që ende nuk dihen ato u ndërprenë, teksa banorëve nuk u dha askush shpjegime për këtë situatë.
 
Pamjet e fokusuara nga kamera e televizionit “A1 Report” nuk kanë nevojë për koment, ndërsa gjatë ditëve me reshje situata përkeqësohet.
 
Problematikë në këtë zonë është edhe rrjeti i dëmtuar i ujërave të zeza.

Redaksia Online
(e.s/shqiptarja.com)