Dy gra italiane, nënë e bijë, të cilat janë dënuar në mënyrë definitive në vendin e tyre nga gjykatat me nga më shumë se nëntë vjet burgim secila për mashtrime të rënda, kanë gjetur Tiranën si vendin ideal për të investuar. Në fakt, është vetëm Stefania Nobile ajo që ka hapur një restorant dhe dyqan në zonën e ish-Bllokut në Tiranë, ndërkohë që nëna e saj Wanna Marchi pohon se ka ardhur në Shqipëri për hatër të së bijës, për të cilën është gati “të shkojë të jetojë edhe mes arinjve”. Por të dyja mendojnë se jetojnë shumë mirë në Shqipëri, “një vend shumë i qetë”.
Këto pohime Wanna i ka bërë në emisionin e njohur televiziv “Maurizio Costanzo Show” këto ditë, ku ka vënë në dukje se nuk i kthehet më zanatit të vjetër të saj si drejtuese emisionesh promocionale televizive, por do të jetë vetëm shtëpijake, ndërkohë që Stefania, e cila ka një lokal edhe në Milano, këtu sapo ka hapur një biznes të sajin.
Janë shumë pak shqiptarët që e njohin historinë e këtyre dy italianeve, me përjashtim të ndjekësve të vjetër të ngjarjeve në vendin fqinj nëpërmjet televizionit. Por emrat e tyre janë shumë të njohura për publikun italian, i cili në vitet ’80 ka ndjekur emisione pa fund reklamimi dhe shitjeje televizive të mallrave, por më pas edhe problemet gjyqësore të të dyjave, që përfunduan me dënimin me burg.
Biznesi në Tiranë
Stefania më 15 tetor 2018 ka regjistruar biznesin e saj në QKB-në shqiptare me emërtimin GINTO shpk, ku është ortake me shqiptaren Merita Aliaj në masën 49% me 51%. Në fillim është regjistruar ajo si administrator, dhe 15 ditë më pas ja ka lënë këtë detyrë ortakes së saj. Ambjenti ku do të ushtrohet biznesi është në adresën Rruga “Vaso Pasha”, Nr. 7, Kati i dytë "Gintoneria di Stefania", pra në ish-Bllok dhe aktiviteti: “Bar restorant, import të produkteve ushqimore dhe alkoolike, shitje të parfumerisë, të produkteve kozmetike dhe aksesorë mode".
Faksimile e ekstraktit të regjistrimit të biznesit të Stefania Nobile në Qendrën Kombëtare të Biznesit
Problemet në Itali
Produktet kozmetike kanë qenë edhe zanafilla e shitjeve të Wanna Marchi-t në emisionet e saj televizive, ku blerësit pretononin nëpërmjet telefonit, ndërkohë që ajo reklamonte pa fund dhe me një zë shurdhues në rrjete TV të dorës së tretë produktet e saj, që nga viti 1983.
Kryesisht produkte që pretendohej të kishin efekte dobësuese dhe që kishin në bazë algat e detit. Arriti deri aty sa të quhej “mbretëresha e teleshitjeve”, nisur nga rezultati financiar që arrinte me ulërimat e saj: tre pako të produktit shiteshin për 100.000 lireta, baraz me 50 euro të sotme.
Më pas suksesi filloi të bjerë, kur Wanna nisi të dilte publikisht edhe për shitur produkte që luftonin “syrin e keq”, apo duke sugejeruar kundrejt pagesës numra që dilnin fitues në llotari, etj, etj. Pas një denoncimi nga emisioni “Striscia la notizia”, filluan me të vërtetë problemet e saj dhe të vajzës bashkëpunëtore, me Drejtësinë, kur organet e Financës dhe Rendit zbuluan krijimin e kompanive fantazma, falimentime të rreme, pastrime parash, etj.
Mbretëresha e teleshitjeve u dënua në formë të prerë me 9 vjet e 6 muaj burg, ndërsa Stefia me 9 vjet e 4 muaj. Mes burgut dhe regjimit të gjysmë-burgimit, të dyja i shlyen detyrimet ndaj shtetit deri në shtator të vitit 2015.
Jeta e re
Duket se të dy gratë e kanë konsideruar më të lehtë të nisin një jetë të re në Shqipëri, natyrisht jo në fushën e shitjeve apo të emisioneve të tjera televizive. Të paktën tani për tani. Por gjithnjë duke u marrë me biznes (Stefania). Kanë pesë muaj që ndodhen në Tiranë dhe Wanna pohon për Maurizio Costanzon se e ndjejnë veten shumë mirë këtu.
Komente
Lajme të tjera
-
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
Akti normativ/ 501 mln lekë u kthehen profesionistëve të lirë! Ministri Malaj: Brenda datës 31 dhjetor 2024 përfundon procesi i rimbursimit
27 Nëntor, 11:04
-
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Protesta e PD-së, Kreshnik Çollaku për Report Tv: Ia arritëm qëllimit! Ja 3 rrugët për 'Qeverinë Teknike'
26 Nëntor, 19:42 -
DINAMIKA/ Çfarë dimë deri më tani për vrasjen e Martin Canit? Ende mungon ekspertiza e vdekjes! Shoku i autorit dërgohet në vendin e ngjarjes, tregon si nisi sherri
26 Nëntor, 18:19 -
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21
Kemi nevoje per me shume perendimore per ta ngjyrosur pakes jeten gri te realitetit shqiptar. Grazie di essere venute
PërgjigjuGrazie di essere venute!!!! Ma sei un colgione?! A i njeh mdopak kush janë, këta meritojmë ti mbyllesh ne burg e tu hedhësh çelësat ne det
po njerzit normal nuk meren me shqiperine, atje pervec se pleherave nuk investon njeri tjeter
Përgjigju