Investuan 25 milionë euro në stadium dhe shitën Kvaratskhelia-n te Napoli, Tirana duhet t'i trembet Dinamo Batumit

Dinamo Batumi i Gjeorgjisë do jetë kundërshtari i Tiranës në fazën e parë të Conference League. Bardheblutë e Orges Shehit nuk janë me shumë fat te goglat, teksa kanë "peshkuar" një kundërshtar të fortë. Kampionati në Gjeorgji është në javën e 19-të, me Batumin që është në vendin e parë me 42 pikë, katër më shumë se Saburtalo ndjekëse.

Skuadra gjeorgjiane ka bërë mjaft mirë së fundmi me një titull kampion të fituar në vitin 2021, një Superkupë në vitin 2022 dhe një vend të dytë në renditje në edicionin e kaluar.  Investimet për klubin janë rritur ndjeshëm dhe vetëm 3 vite më parë përfundoi rikonstruksioni i stadiumit prej 20 mijë vendesh në Batumi, që kushtoi 25 milionë euro.

Mjafton të përmendim se nga Dinamo Batumi doli edhe Khvicha Kvaratskhelia, talenti më i mirë në Europë për sezonin e fundit, i cili u shit te Napoli në verën e 2022 për 11.5 milionë euro.

 

Lajmi kryesor:

Hidhet shorti i Conference League, Tirana 'peshkon' gjeorgjianët! Egnatia dhe Vllaznia luajnë në transfertë

S.DH/Shqiptarja.com

TAG:
• egnatia
• Vllaznia
• tirana
• nyon
• uefa
• conference league