Një adoleshente iraniane është në gjendje kritike pas një konfrontimi me autoritetet në metronë e Teheranit për një shkelje të ligjit të hixhabit. Rasti i Armita Geravand është shumë i ndjeshëm, duke ngritur shqetësime se 16-vjeçarja mund të ndërrojë jetë si Mahsa Amini, një vajzë 22-vjeçare, e cila vdiq vitin e kaluar kur ishte në paraburgim nga policia morale.
Vdekja e saj shkaktoi muaj protestash mbarëkombëtare. Geravand tani është në koma, njoftoi të martën Organizata Hengaë për të Drejtat e Njeriut, rapoton Reuters.
Zyrtarët e Republikës Islamike mohojnë se ka pasur një takim mes policisë dhe Geravand, duke pretenduar se vajzës i ra të fikët “për shkak të presionit të ulët të gjakut”.
Lajmi për shtrimin në spital të Geravand filloi të përhapet të dielën kur gazetari iranian me bazë në Londër, Farzad Seifikaran, shkroi në rrjete sociale se adoleshentja dhe miqtë e saj u ndaluan nga policia pasi dyshohet se nuk mbanin shami.
Një deklaratë nga autoriteti i metrosë së Teheranit mohoi të kishte ndodhur një sulm fizik. Pamjet e CCTV të publikuara nga agjencia, të cilat dukej se ishin të redaktuara, tregojnë një grup vajzash adoleshente që hyjnë në metro pa veshur shami. Një nga vajzat më pas nxirret nga metroja pa ndjenja.
Ngjarja vjen më shumë se një vit pasi 22-vjeçari Amini u arrestua nga policia pasi dyshohet se nuk kishte respektuar plotësisht rregullat e detyrueshme të hixhabit. Gjatë ndalimit, Amini ra në mënyrë misterioze në koma dhe më pas vdiq në spital.
Vdekja e saj tragjike shkaktoi protesta të përgjakshme mbarëkombëtare të cilat përfshinë vendin për muaj të tërë. Dhjetëra mijëra u arrestuan dhe mbi 500 njerëz u vranë në protesta, siç raportoi grupi i të drejtave të njeriut në Iran në prill. Protestat kundër regjimit shpërthyen edhe në Paris, Stamboll dhe qytete të tjera anembanë botës. Shumica e protestuesve shprehen në rrjetet sociale shqetësimin se 16-vjeçarja mund të jetë një tjetër Mahsa Amini.
Komente
Lajme të tjera
-
Avioni ushtarak amerikan rrëzohet në Detin e Kuq, dyshohet se ishte aksidentale
22 Dhjetor, 10:31 -
Ligjbërësit iranianë kërkojnë ndryshimin e projektligjit të rreptë për hixhabin
18 Dhjetor, 15:09 -
Presidenti i Iranit bllokon ligjin ‘drakonian’ për hixhabin
15 Dhjetor, 19:47 -
Sfidoi regjimin iranian, arrestohet këngëtarja që mbajti koncert pa hixhab
15 Dhjetor, 09:28 -
Damask/ Udhëheqësi i rebelëve al-Jolani: Izraeli nuk ka më justifikime për sulme në Siri
14 Dhjetor, 18:46 -
Ish-gazetari i REL dënohet me 10 vjet burg në Iran
14 Dhjetor, 15:48 -
Iran, këngëtarja thyen rregullat fetare, regjistron koncert pa hixhab (VIDEO)
13 Dhjetor, 12:49 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Rënia e Assadit, goditje për ndikimin e Iranit dhe Rusisë, rrezik ardhja e islamistëve ekstrem në Siri
9 Dhjetor, 17:21 -
Irani urdhëron evakuimin e personelit diplomatik dhe ushtarak nga Siria
7 Dhjetor, 08:37 -
Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër
28 Nëntor, 08:07 -
Lirohet pa akuza gruaja iraniane që u zhvesh në shenjë proteste
19 Nëntor, 20:00
