Iran, pas 40 vitesh gratë mund të hyjnë në stadiumet e futbollit, ‘por fillimisht vetëm për ndeshjet ndërkombëtare’

"Janë bërë të gjitha përgatitjet e nevojshme në mënyrë që gratë, fillimisht vetëm për ndeshje ndërkombëtare, të mund të hyjnë në stadiumet e futbollit" në Iran.

Kjo u njoftua në një shënim të Ministrit të Sporteve të Republikës Islamike, Masoud Soltanifar, pas polemikave për vdekjen e tifozit Sahar Khodayari.

Fill pas kësaj ngjarje edhe vetë presidenti Hassan Rohani  kishte shprehur gatishmërine që të diskutohej mbi këtë cështje por duke u përplasur në distancë me shoqërinë me shumice Shiite që është goxha konservatore.

Në shumë qytete të Iranit u zhvilluan tubime në kujtim të Sahar Khodayari, gruaja e vetëdjegur që donte të shihte një ndeshje futbolli.

Ajo ishte tifoze e zjarrtë e Esteghlal, por për fatin e keq të saj Irani, është një vend aziatik ku gratë nuk mund të jenë të pranishme në stadium.

Reagime ka pasur edhe nga lojtarët më të famshëm të Iranit, duke nisur nga Ali Karimi, kapiteni legjendar me 127 ndeshje në Kombëtare, që ka ftuar 4.5 milionë followers në Twitter të bojkotojnë stadiumet iraniane.

Tashmë me këtë vendim historik, femrat në Iran mund të futen në stadium që nga ndeshja e radhës në 10 tetor që kombetarja e meshkujve do të luaje kundër Kamboxhias.

Vendimi për të mos lejuar femrat në stadium ishte ne fuqi që nga 1979 pas revolucionit islamik.

TAG:
• iran
• Sahar Khodayari
• Esteghlal
• Ali Karimi