Irani e akuzoi Izraelin më 31 gusht se kishte tentuar t’ia sabotojë programin e raketave balistike përmes furnizimit të disa pjesëve që mund t’i shpërthenin, dëmtonin apo shkatërronin armët përpara se ato të përdoreshin.
Zyra e kryeministrit izraelit nuk i ka komentuar këto akuza të bëra në një raport të transmetuar në televizionin shtetëror iranian. Në raport u tha gjithashtu se pjesët mund të përdoreshin edhe në stokun e madh të dronëve iranianë.
Raporti e përshkruante operacionin e supozuar izraelit si “një nga përpjekjet më të mëdha të sabotimit” që është parë ndonjëherë. Aty akuzoheshin agjentët izraelitë të Mossad-it për furnizimin e pjesëve me të meta.
Pamjet e transmetuara nga televizioni shtetëror shfaqnin pjesët e supozuara. Ato dukeshin se ishin pjesë lidhëse elektrike me densitet të lartë, të stilit ushtarak. Pjesë të tilla lidhëse mund të përdoren për t’i lidhur komponentët elektronikë të një rakete ose një droni, për të përçuar energji elektrike dhe sinjale.
Raporti i televizionit shtetëror nuk shpjegoi pse Irani kishte blerë këto pjesë lidhëse jashtë vendit, megjithëse disa faqe interneti iraniane që reklamojnë pjesë të tilla sugjerojnë se ato të prodhuara në Rusi ishin më të mirat në treg. Por, Rusia përballet me sanksione ndërkombëtare shkaku i luftës së saj kundër Ukrainës, që ia kanë penguar furnizimin me elektronikën e nevojshme për sistemet raketore.
Dronët e prodhimit iranian të përdorur nga Rusia në luftë përdorin gjithashtu pjesët e njëjta lidhëse, sipas raporteve të ekspertëve.
Transmetimi televiziv nuk tha se kur autoritetet i kishin zbuluar pjesët me defekte, as nëse ato ishin instaluar në ndonjë raketë balistike më parë. Në maj të vitit 2022, një shpërthim në një bazë të madhe ushtarake dhe të zhvillimit të armëve iraniane në lindje të Teheranit vrau një inxhinier dhe plagosi një tjetër. Edhe disa shpërthime të tjera janë raportuar lidhur me programin e raketave balistike.
Izraeli është akuzuar për një seri tentim-vrasjesh të shkencëtarëve bërthamorë në Iran. Sulmet sabotuese kanë dëmtuar gjithashtu objektet bërthamore iraniane./REL
Komente
Lajme të tjera
-
Gaza/ Foshnja e porsalindur vdes nga i ftohti natën e Krishtlindjes, ndërsa Izraeli e Hamasi debatojnë për armëpushim
26 Dhjetor, 14:00
-
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Irani heq kufizimet për WhatsApp dhe Google Play
24 Dhjetor, 22:10 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Avioni ushtarak amerikan rrëzohet në Detin e Kuq, dyshohet se ishte aksidentale
22 Dhjetor, 10:31 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50
