Izraeli raportohet se ka kryer sulme të reja ajrore ndaj Hezbollahut – grupit libanez të shpallur organizatë terroriste nga Shtetet e Bashkuara – brenda Libanit, një ditë pasi palët këmbyen sulme me raketa e dronë. Irani tha se sulmet e Hezbollahut ndaj Izraelit tregojnë ndryshim të balancës së fuqisë.
Mediat shtetërore raportuan më 26 gusht se Izraeli ka shënjestruar fshatin kufitar të Tair Harafit dhe një zonë afër Sidonit në Liban, një ditë pas Hezbollahu gjuajti dhjetëra raketa dhe dronë kundër caqeve në Izraelin verior dhe qendror. Kjo valë sulmesh u krye pak pasi Izraeli kreu atë që i cilësoi si sulme parandaluese ndaj raketahedhësve të Hezbollahut.
Ende nuk ka raportime për viktima nga sulmet e Izraelit të kryera më 26 gusht.
Irani tha më 26 gusht se këmbimi i zjarrit – që është një prej përplasjeve më të mëdha në Lindjen e Mesme që kur nisi lufta në Gazë tetorin e vitit të kaluar – tregoi se Izraeli nuk ka humbur vetëm aftësinë e tij për të parashikuar sulme në shkallë të vogël, por po ashtu edhe fuqinë parandaluese.
“Pavarësisht mbështetjes, përfshirë të SHBA-së, Izraeli ka humbur fuqinë parandaluese dhe aftësinë për të parashikuar kohën dhe vendimin e sulmeve të kufizuara dhe precize”, shkroi në X zëdhënësi i Ministrisë së Jashtme të Iranit, Nasser Kanani, duke iu referuar sulmit të një ditë më parë në shkallë të gjerë të kryer ndaj Izraelit nga Hizbollahu, aleati libanez i Iranit.
“Regjimi pushtues gjithmonë ka kërkuar zgjerim territorial, por tani duhet ta mbrojë veten brenda territoreve të pushtuara. Frika është mbjellë në mesin e banorëve që jetojnë në tokat e pushtuara”, shtoi Kanani.
Zyrtarët izraelitë kanë thënë se sulmet parandaluese penguan lëshimin e “mijëra” raketave të tjera. Hezbollahu ka pretenduar se ka gjuajtur mbi 320 raketa dhe dronë, por Izraeli ka thënë se ky numër është rreth 150.
Lideri i Hezbollahut, Hassan Nasrallah, pretendoi se operacioni i grupit ishte i kalibruar, për të siguruar që të mos nxitej një konflikt i shkallës së plotë.
Duke iu adresuar Nasrallahut dhe liderit suprem të Iranit, Ajatollah Ali Khamenei, kryeministri izraelit, Benjamin Netanyahu, tha se operacioni parandalues i Izraelit “ishte një hap tjetër drejt ndryshimit të situatës në veri dhe kthimit të sigurt në shtëpi të banorëve”.
Hezbollahu tha se operacioni ishte “faza e parë” e hakmarrjes së grupit për vrasjen e Fuad Shukr, që besohet se ishte numri dy më i fuqishëm i grupit. Shukr u vra gjatë një sulmi izraelit në Bejrut më 30 korrik.
Disa orë pas vrasjes së tij, në Teheran u vra shefi politik i Hamasit, grupit palestinez të shpallur organizatë terroriste nga SHBA-ja dhe Bashkimi Evropian. Irani është zotuar se do të hakmerret për vrasjen e Ismail Haniyehut dhe e ka akuzuar Izraelin se qëndron prapa vrasjes. Izraeli nuk e ka mohuar e as marrë përgjegjësinë për vrasjen e shefit politik të Hamasit./ REL
Lajme të tjera
-
Gaza/ Foshnja e porsalindur vdes nga i ftohti natën e Krishtlindjes, ndërsa Izraeli e Hamasi debatojnë për armëpushim
26 Dhjetor, 14:00
-
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
U kritikua nga ministri izraelit sepse kërkoi hetim për gjenocid, Papa Françesku: Bombardimet në Gaza janë mizori
21 Dhjetor, 15:46 -
Lufta në Rripin e Gazës/ Norvegjia refuzon të luajë ndaj Izraelit
19 Dhjetor, 13:32
