POP 5

Lajmet më të lexuara të 5 minutave të fundit

Bota

Irani paralajmëron SHBA-në se “nuk do të kursehet” nëse vazhdon lufta në Gazë

Ministri i Jashtëm iranian, Hossein Amirabdollahian, ka paralajmëruar në Kombet e Bashkuara të enjten se nëse nuk përfundon hakmarrja e Izraelit kundër grupit militant palestinez Hamas në Rripin e Gazës, atëherë Shtetet e Bashkuara “nuk do të kursehen nga ky zjarr”.

Irani paralajmëron SHBA-në se “nuk do të kursehet” nëse vazhdon lufta në Gazë

Ministri i Jashtëm iranian, Hossein Amirabdollahian

Ministri i Jashtëm iranian, Hossein Amirabdollahian, ka paralajmëruar në Kombet e Bashkuara të enjten se nëse nuk përfundon hakmarrja e Izraelit kundër grupit militant palestinez Hamas në Rripin e Gazës, atëherë Shtetet e Bashkuara “nuk do të kursehen nga ky zjarr”.

“I them sinqerisht burrështetasit amerikan, që është duke e menaxhuar gjenocidin në Palestinë, që ne nuk e mirëpresim zgjerimin e luftës në rajon. Mirëpo nëse gjenocidi në Gazë vazhdon, ata nuk do të kursehen nga ky zjarr”, ka thënë ai në takimin e Asamblesë së Përgjithshme të OKB-së për Lindjen e Mesme.

Izraeli është zotuar se do ta shkatërrojë Hamasin, i cili e udhëheq Gazën, si hakmarrje për sulmin e 7 tetorit, në cilin janë vrarë 1.400 persona dhe qindra tjerë janë marrë si pengje.

Izraeli e ka sulmuar Gazën prej ajrit, ka vendosur rrethim në këtë enklavë, dhe është duke u përgatitur për pushtim tokësor.

Në anën tjetër, autoritetet shëndetësore në Gazë, kanë thënë se mbi 7.000 persona janë vrarë nga sulmet izraelite.

Hamasi i ka thënë Iranit se është i gatshëm t’i lirojë pengjet, duke shtuar se bota duhet të bëjë thirrje për lirimin e 6.000 palestinezëve në burgjet izraelite, ka thënë Amirabdollahian.

“Republika Islamike e Iranit qëndron e gatshme të luajë rolin e vet në këtë situatë shumë të rëndësishme humanitare, bashkë me Katarin dhe Turqinë. Natyrisht, lirimi i 6.000 palestinezëve të burgosur është një tjetër nevojë dhe përgjegjësi e komunitetit global”, ka thënë ai./ REL

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi