Irani duket se do të përjashtohet nga një komision për gratë i Kombeve të Bashkuara, për shkak se shteti ka politika kundërthënëse sa i përket të drejtave të grave dhe vajzave. Por, disa shtete pritet që të abstenojnë gjatë votimit të së mërkurës, votim që është iniciuar nga Shtetet e Bashkuara, thanë diplomatët. Të 54 shtetet anëtare të Këshillit Ekonomik dhe Social të OKB-së do të votojnë për draft-rezolutën për të “larguar menjëherë Republikën Islamike të Komisionit për Statusin e Grave për mandatin 2022-2026”.
Ndërkaq, 45 anëtarët e këtij komisioni takohen çdo vit në mars dhe ky trup ka për qëllim të promovojë barazinë gjinore dhe fuqizimin e grave. Një zyrtar amerikan i tha Reuters se “po shohim vazhdimisht mbështetje” për përjashtimin e Iranit.
Irani, 17 shtete të tjera dhe palestinezët, përmes një letre thanë se largimi i Republikës Islamike nga Komisioni për Statusin e Grave do të krijonte “një precedent të keq dhe përfundimisht do të ndalojë shtetet tjera, me kultura dhe tradita të ndryshme, që të kontribuojnë në aktivitetet e komisioneve të tilla”. Irani të hënë ekzekutoi një person në publik pasi ishte dënuar për vrasjen e dy anëtarëve të forcave të sigurisë. Ky ishte ekzekutimi i dytë në më pak se një javë i personave që janë përfshirë në protestat mbarëkombëtare në Iran.
Irani po përballet që tre muaj me protesta pas vdekjes së Mahsa Aminit, 22 vjeçe, e cila vdiq në paraburgim, pasi dyshohej se kishte shkelur rregullat e veshjes së hixhabit apo shamisë së kokës. Protestat janë shndërruar në sfidën më të madhe për udhëheqjen iraniane që nga Revolucioni Islamik i vitit 1979. Irani ka fajësuar armiqtë e huaj dhe agjentët e tyre për trazirat. Këshilli për të Drejtat e Njeriut i OKB-së muajin e kaluar votoi për nisjen e një hetimi të pavarur lidhur me shtypjen vdekjeprurëse të protestave në Iran./REL
Lajme të tjera
-
Lirohet pa akuza gruaja iraniane që u zhvesh në shenjë proteste
19 Nëntor, 20:00 -
Azerbajxhan, aktivistët protestojnë brenda konferencës së OKB-së për ndryshimet klimatike
16 Nëntor, 18:12 -
Kompleksi ushtarak do ndërtonte armë bërthamore, si Izraeli shkatërroi bazën 'top sekret' të Iranit në mes të shkretëtirës
16 Nëntor, 11:00 -
Kreu i Agjencisë Ndërkombëtare i Energjisë Atomike viziton zonat bërthamore nëntokësore të Iranit
15 Nëntor, 18:39 -
Lufta/ Sulmet izraelite në Libanin lindor shkaktojnë 12 viktima! Jepet urdhër evakuimi në periferi të Bejrutit, pritet të goditen disa ndërtesa
15 Nëntor, 08:56 -
Komiteti i OKB-së: Metodat e luftës të Izraelit përkojnë me gjenocid
14 Nëntor, 13:57 -
Media australiane 'The New Daily': Si po kthehet Shqipëria në destinacionin e madh të turizmit evropian?
14 Nëntor, 08:54 -
FBI arreston një të dyshuar për publikimin e të dhënave amerikane për planet e Izraelit për sulm kundër Iranit
13 Nëntor, 21:05 -
Konferenca e OKB-së për Ndryshimet Klimatike/ Guterres – liderëve botërorë: Paguani ose përballuni me fatkeqësitë nga klima
12 Nëntor, 16:12 -
COP29/ Dhjetëra liderë botërorë fillojnë fjalimet dhe negociatat për ndryshimet klimatike
12 Nëntor, 08:16 -
Trump zgjedh ligjvënësen Elise Stefanik për Ambasadore në OKB
11 Nëntor, 16:40 -
Lufta/ Raporti i OKB: Rreth 70% e viktimave në Gaza janë gra dhe fëmijë! Mund të jetë krim kundër njerëzimit dhe gjenocid, të hetohet
8 Nëntor, 17:49
