Rriten tensionet në Gjirin Persik, Irani sekuestron një tanker të Emirateve të Bashkuara Arabe: kontrabandonte naftë

Rriten tensionet në Gjirin Persik, Irani sekuestron një tanker të Emirateve të Bashkuara Arabe: kontrabandonte naftë

Sipas Agjensisë Iraniane të Lajmeve, Irani ka kapur një anije në Gjirin Persik, e dyshuar për kontrabandë nafte nga Emiratet e Bashkuara Arabe.

Rojet Revolucionare Iraniane, Pasdaran, thuhet se përgjuan një anije që transportonte 250,000 litra karburant.

"Anija me 11 anëtarë ekuipazhi, u zu rob në afërsi të ishullit të madh të Tunbit në Iran në Gjirin Persik ... ekuipazhi iu dorëzua autoriteteve ligjore në provincën jugore të Hormozgan," tha ISNA.

Sipas burimeve iraniane, anija e kapur quhet 'Linch', me flamurin e Emirateve të Bashkuara Arabe, ndërsa anëtarët e ekuipazhit ishin me kombësi filipine.

Sekuestrimi i anijes së dyshuar, vjen në një kohë kur SHBA kanë drejtuar gishtin drejt Iranit, si arkitekt i një sulmi me dronë që ka dëmtuar ndjeshëm strukturat e naftës në Arabinë Saudite.

Ky është konfiskimi i dytë i këtij lloji, pasi një anije e dyshuar për kontrabandë  karburanti u konfiskua në 7 shtator dhe 12 Filipinasit e ekuipazhit u arrestuan në ngushticën e Hormuzit.

Para disa muajve, Irani e ndaloi një anije të madhe britanike. Veprimi u cilësua si hakmarrje ndaj ndalimit të anijes iranianen në Ngushticën e Gjibraltarit nga forcat britanike.

Arabia Saudite po udhëheq një koalicion të madh,  në luftë kundër rebelëve Houthi të mbështetur nga Irani në Jemen, luftë e cila ndonjëherë përshkruhet si një 'luftë me prokurë' midis Arabisë Saudite dhe Iranit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri