Pak ditë më parë, ish-drejtori i Policisë së Tiranës, Mit’hat Havari, ishte i ftuar në Report Tv, ku bëri një deklaratë të fortë, teksa tha se deputetë të majtë e të djathtë luajnë bixhoz në kazinotë e Tiranës dhe jashtë vendit me lekët e vjedhura nga xhepi i shtetit.

Ndërsa ditën e sotme, ish-kreu i policisë tregon se është përballur me një deputet të majtë, që sipas tij, ka ndryshuar rrugën me një kthesë sapo e ka parë. Me ironi, Havari shton se deputeti ndryshoi rrugën me aq shpejtësi, sa gati nuk rrëzoi personin që e shoqëronte. 

“Dite me pare i ftuar nga Report tv , deklarova qe deputet te majte e te djathte qe luajn bixhoz ne kazinot e Tiranes dhe jashte vendit , nuk luajn me leket e rroges mujore , se ato nuk ju mjaftojne per gravata e kostume firmato , por me leket e vjedhura nga xhepi i shtetit , ose dhuruar nga bota e krimit , kjo vazhdova me tej eshte taksative, absolute.

Sot u perballa tek semafori perbri kuvendit te Shqiperis , me nje deputet te majte llafollog bixhozxhi klasi kazinosh , i cili sa me pa ndryshoi rrugen me nje kthes aq te shpejt , gati sa nuk rrezoi personin qe e shoqeronte .
Une nuk kam ndonje mardhenie me te , por sjellja e tij me beri pershtypje .Sa eca pak metra e kuptova fshatarin tipik te pa transformuar , i ka perveluar keq akuza ime ne tv dhe pavarsisht qe nuk permenda emra .
Une jam i sigurt qe miqte e mi ketu ne fb do e gjejne menjehere tipin e peshtire , por ama nuk ju kam thene une emrin e tij|, shkruan Havari në “Facebook”.

Redaksia Online
D.Ç./Shqiptarja.com