Ish-ministri maqedonas i Punëve të Brendshme Lube Boshkovski është dënuar me 7 vjet burg nën akuza për financim jo të ligjshëm të fushatës zgjedhore.

Lube Boskovski ishte arrestuar në qershor pasi ishte zënë me një thes me 100 mijë euro dhe me një revolver në makinën e tij.

Gjykatësi tha se aktvendimi është marrë mbi baza të dëshmive ligjore. Si kryetar partie ai ka pranuar 130 mijë Euro nga dëshmitari i kërcënuar për financimin e fushatës së partisë së tij.

Lube Boshkovski ishte, ministër i brendshëm gjatë kohës së konfliktit në Maqedoni para 10 vitesh. Ai u lirua nga Gjykata e Hagës në mungesë provash lidhur me akuzat për ekzekutimin e nëntë civilëve shqiptarë në fshatin Lubeten të Shkupit.