POP 5

Lajmet më të lexuara të 5 minutave të fundit

Arkiva

Ish-pronarët, qeveria kompenson
vetëm për legalizimet

Nisi procesi i pranimit të kërkesave për shpërndarjen e këstit të parë për kompensimin e pronarëve të pasurive të paluajtshme, pronë private, që preken nga ndërtimet informale. Ky këst është në masën prej 47% të shumës së përgjithshme në të holla të miratuar me vendim të Këshillit të Ministrave.
lista
TIRANË - Agjencia e Kthimit dhe Kompensimit të Pronës njoftoi se filloi procesi i pranimit të kërkesave për shpërndarjen e këstit të parë për kompensimin e pronarëve të pasurive të paluajtshme, pronë private, që preken nga ndërtimet informale për subjektet sipas listës së miratuar me vendimin e Këshillit të Ministrave nr.900, datë 06.12.2011. Ky këst është në masën prej 47% të shumës së përgjithshme në të holla të miratuar me vendim të Këshillit të Ministrave. Në total, kjo shifër shkon afro 193 milionë lekë të reja, nga 410 milionë, që është dhënë nga Këshilli i Ministrave.
Procesi i pranimit të kërkesave të përfituesve nga ky fond do të fillojë ditën e hënë, më datë 05 mars 2012 dhe nuk do të jetë i kushtëzuar apo limituar në afat.
Me këtë rast AKKP fton të gjithë subjektet e interesuara, emrat e të cilëve rezultojnë në listën bashkëlidhur, të paraqiten pranë zyrave tona për dorëzimin e kërkesës për kompensim.
Aplikuesit kanë detyrimin të paguajnë tarifën e shërbimit në vlerën prej 2000 (dymijë) lek dhe gjithashtu të hapin në emër të tyre, një llogari bankare në një nga bankat e nivelit të dytë.
Subjekti përfitues apo përfaqësuesi i tij me prokurë duhet të paraqesë pranë AKKP-së Tiranë dokumentacionin e mëposhtëm:

a) Kërkesën sipas formularit tip, të plotësuar sipas rubrikave.

b) Dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil. Për dëshmitë e trashëgimive të lëshuara nga gjykata për testamentin e bërë me akt noterial të sillet çertifikatë familjare e personit për të cilin është lëshuar kjo dëshmi; (Në rast se subjekti përfitues ka vdekur)

c) Prokurën e posaçme, të nënshkruar nga të gjithë subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre. Në rastet kur nuk është e mundur të dorëzohet prokura e posaçme, secili bashkëpronar apo një pjesë e tyre, paraqesin kërkesë individuale apo të përbashkët, për pjesën takuese në pronën që kompensohet. Në rastin e kërkesave individuale të secilit bashkëpronarë apo të një pjese të tyre, për çdo aplikim të kryer, paguhet tarifë shërbimi, pavarësisht se i përket të njëjtës pasuri të paluajtshme;

d) Vërtetimin e lëshuar nga banka e nivelit të dytë për hapjen e llogarisë bankare dhe IBAN-in përkatës;

e) Fotokopjen e dokumentit të identifikimit, si dhe çertifikatën familjare të kërkuesit/aplikuesit;

f) Mandat pagesën për shumën 2 000 (dymijë) lekë për çdo aplikim të veçantë.


(aq/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55