POP 5

Lajmet më të lexuara të 5 minutave të fundit

Ekonomi

Ish-të përndjekurit, ja se me
ç’rradhë do të paguhen nga shteti

Deri tani janë miratuar nga Këshilli i Ministrave 22 vendime, ku përfshihen dosjet dhe dëmshpërblimi për 11.261 ish-të dënuar politikë. Në zbatim të këtyre vendimeve, janë bërë 264 listëpagesa, për këstin e parë, të grupuara sipas dorëzimit të dokumentacionit të të interesuarve.
Ish-të përndjekurit, ja se me<br />ç’rradhë do të paguhen nga shteti
TIRANE-  Deri tani janë miratuar nga Këshilli i Ministrave 22 vendime, ku përfshihen dosjet dhe dëmshpërblimi për 11.261 ish-të dënuar politikë. Në zbatim të këtyre vendimeve, janë bërë 264 listëpagesa, për këstin e parë, të grupuara sipas dorëzimit të dokumentacionit të të interesuarve. Pagesat e këstit të parë kanë filluar në muajin mars 2009 dhe vazhdojnë. Ministria e Financave, e cila nuk është në gjendje të paguajë të gjithë detyrimin me një dorë, ka vendosur një rradhë për të shpërndarë këstet e dëmshpërblimit, si më poshtë: Në fillim do të paguajë këstin e parë për ata që nuk janë paguar deri tani për arsye të mungesës së dokumentacionit të plotë apo miratimit me vonesë të dëmshperblimit; këstin e dytë për ish-të dënuarit politikë që jetojnë dhe kanë moshë mbi 65 vjeç dhe këstin e dytë për ish-të dënuarit politikë që jetojnë dhe kanë moshë nën 65 vjeç, si dhe trashëgimtarët ligjorë të ish-të dënuarve që nuk jetojnë.

Pagesa e këstit të dytë ka filluar më 26 mars 2012. Ajo ka filluar për ish-të dënuarit me moshë mbi 65 vjeç dhe që jetojne dhe do të bëhet me rradhë, sipas pagesës së këstit të parë të kësaj kategorie. Pra, nga pagesa nr.1 e këstit të parë e në vazhdim, duke kaluar rradhën e pagesës së këstit të parë të kategorisë tjetër (nën 65 vjeç dhe me trashëgimtarë). Pagesa e këstit të dytë për të tjerët do të sipas datës së kryerjes së pagesës së këstit të parë dhe mbas dorëzimit të çertifikatës personale.

Ministria e Financave siguron se pagesa e këstit të dytë për ish-të dënuarit me moshë mbi 65 vjeç dhe që jetojnë do të bëhet për një kohë shumë të shpejtë, duke mos ndërprerë për asnjë çast pagesën e këstit të parë, ende të papaguar. Me pas do të vijohet me pagesën e këstit të dytë të ish-të dënuarve që jetojnë me moshë nën 65 vjeç dhe trashëgimtarëve ligjore.
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lituania njofton paketën e re të ndihmës ushtarake për Ukrainën

Lituania njofton paketën e re të ndihmës ushtarake për Ukrainën

25 Nëntor, 08:21