Ish-ambasadori i Shteteve të Bashkuara të Amerikës në Kosovë, Greg Delawie, në një intervistë për rrjetin amerikan të lajmeve “Zëri i Amerikës“, ka thënë se “lidhja e jashtëzakonshme” mes Kosovës dhe SHBA-ve që ishte krijuar gjatë luftës së fundit në Kosovë nuk ka gjasa të thyhet.
Megjithatë, ai ka theksuar se nuk mund të fshihen çarjet dhe vështirësitë që aktualisht ekzistojnë në marrëdhëniet ndërmjet dy shteteve, të cilat janë krijuar për shkak të mos-dëgjueshmërisë së kryeministrit kosovar Albin Kurti, në lidhje me zhvillimet në veriun e vendit të banuar me serbë etnikë.
“Shpresoj që këto vështirësi të jenë vetëm kalimtare dhe se do të kthehemi në lidhjen e mëparshme në të ardhmen e afërt. Mendoj se mosmarrëveshja më e rëndësishme ndërmjet Kosovës dhe Shteteve të Bashkuara lidhet me zgjedhjet për kryetarët e komunave në katër komunat në pjesën veriore të Kosovës…”.
Delawie, i cili shërbeu në Kosovë gjatë vitit 2015-2018, derisa ka komentuar ngjarjet që çuan deri te përshkallëzimi i dhunshëm i situatës në veriun e territorit të Kosovës, ka thënë se shumica e fajit për atë që ndodhi duhet t’i vishet Serbisë, por edhe Kosova mund të ishte më e gatshme të dëgjojë këshillat e Perëndimit.
“Njëkohësisht, mendoj se Kosova do të kishte marrëdhënie më të mira me SHBA-të dhe evropianët, sikur të bënte më shumë përpjekje për të integruar serbët e Kosovës në shoqëri dhe të përmbushte përgjegjesitë e saja për të krijuar Asociacionin e Komunave me shumicë serbe”, ka thënë ish-diplomati amerikan.
Ai ka nënvizuar se Perëndimi nuk po i përgjigjet siç duhet dobësimit të demokracisë në Serbi, ndërsa ka shtuar se autoritarizmi në rritje në Serbi dhe dobësimi i demokracisë e lirisë së shtypit, paraqet kërcënimin më të madh ndaj Ballkanit Perëndimor aktualisht.
“Duket se po i ofrojmë stimujt e gabuar. Ndoshta ky është rezultat i përqëndrimit për të ardhmen e afërt tek konflikti mes Rusisë dhe Ukrainës. Është e qartë që Serbia po e shpërfill Perëndimin viteve të fundit. Dhe me sa duket, ne Perëndimi, kolektivisht, nuk duket se kemi reaguar si duhet”.
Ish-ambasadori amerikan me përvojë 35 vjeçare ka propozuar që nëse Qeveria e Kosovës dëshiron t’i përmirësojë raportet e lënduar me bashkësinë e organizuar ndërkombëtare, duhet të lëvizë drejt themelimit të Asociacionit të Komunave me shumicë serbe, por gjithmonë në përputhje me Kushtetutën e Kosovës./VOA
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
