TIRANË- Ish-anëtarja e Kryesisë së PD-së, Endira Bushati,  ka reaguar me tone të ashpra kundër kryedemokratit Lulzim Basha.

Sipas saj, ndryshimet e bëra nga kryedemokrati Basha ua thonë shumë qartë se " Ju jeni hiça, ju kam në dorë, bëj çfarë dua me ju". Për Bushatin, votëbesimi i kryesisë së PD-së dhe në degët e partisë në Tiranë, është absurditet.

 “Kryesia e PD….e votuar para një viti nga Këshilli Kombëtar, organi më i lartë i Partisë mes Kuvendeve…..do t’u votëbesoka…. dhe në degët e partisë në Tiranë….Votohesh nga organi më i lartë dhe votëbesohesh në degën e Tiranës….Përkthimi: “Ju jeni hiça, ju kam në dorë, bëj çfarë dua me ju…” Këtë po iu thotë Lulzim Basha! Të dashur miq, Mos e pranoni këtë tallje! Ç’e doni Kryesinë, kur s’keni lirinë për të thënë atë që mendoni???????”, shkruan Endira Bushati.