Ishin shpallur në kërkim, vihen në pranga 2 persona në Divjakë, i kishin vënë zjarrin 2 makinave

Bektash Muçaj dhe Geri Lushaj  janë vënë në pranga nga policia e Divjakës, pasi ishin shpallur në kërkim për shkatërrim të pronës private.

Gjykata e Shkallës së Parë Lushnjë, me vendimin e datës 12.05.2022, ka caktuar masën e sigurisë "Arrest në burg", për veprën penale "Shkatërrimi i pronës me zjarr" për Muçaj banues në Çermë e Sipërme, Divjakë. Kjo pasi në datën 04.08.2021, ka djegur me lëndë djegëse autobusin në pronësi të shtetasit S. S.

Geri Lushaj 33 vjeç, banues në Vlorë është vënë gjithashtu në pranga, pasi Gjykata e Shkallës së Parë Lushnjë, me vendimin e datës 11.05.2022, i ka caktuar masën e sigurisë "Arrest në burg", për veprën penale "Shkatërrimi i pronës me zjarr".

Ky shtetas, në datën 09.03.2022, në bashkëpunim me shtetasin K. T., 25 vjeç, banues në Vlorë, i cili është arrestuar, ka djegur automjetin në pronësi të shtetasit J. Gj., 57 vjeç, banues në Divjakë.

Materialet i kaluan Prokurorisë, për veprime të mëtejshme procedurale.

J.GJ./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet